هذا القط دخل علي البيت بتاريخ 14-10-2025 في حي الخالدية – حفر الباطن. من يوم دخلته وأنا أعرضه بكل مكان وأسأل عنه في القروبات وما لقيت له أهل. أنا ما عندي أي فكرة وولا ودي أظلم أحد أو أدخل في نيته بأنه تخلى عنه أو رماه. لكن لما لقيته كانت أذنه مليانة فطريات، وغير كذا ذيله من أوله لاخره ممتلئ بالفطريات. والمصيبة الأكبر إن القط ذكر معقم! يعني معقمينه وبعدين ترمونه؟ ليه؟ دام إنكم سلبتوه أحد حقوقه على الأقل عيشوه عيشة كريمة! ليه تقدمون على تصرف ما راح تتحملون عواقبه؟؟ هذا قط شيرازي معقم يعني احتمالية إنه يعيش بالشارع ضعيفة جدًا. بالكثير يصبر شهر! وفوق هذا رامينه ببداية الشتاء! والله وبالله وتالله أنا خصيمتكم يوم القيامة. ماني مسامحتكم، ولاني محللة لكم فعلتكم مهما كانت ظروفكم في ألف حل وحل غير إنكم ترمونه. أنا طالبة مغتربة وعندي أصلًا قطة ومع ذلك قلبي ما طاوعني أرميه وهو داخل علي يدور ملجأ يدور أحد يحتويه. الله لا يسامحكم ولا يحلل لكم وولا يبارك لكم بلقمتكم. وين بتروحون من عذاب ربي على فعلتكم؟ الله يمهل ولا يهمل وجايكم عقابكم، إذا مو بالدنيا بالآخرة، وأنا أدعي ربي إنه يجيكم بالثنتين. وعسى كلامي يوصل لكل من تجرأ يوم بعد ما عطى قط الأمان وآواه وأطعمه، يجي آخر شيء ويرميه بدم بارد. عسى الله يمطر عليكم من الدعوات السيئة وين ما تروحون