Nissan Patrol 1991 سلام عليكم ورحمة الله وبركاته اعرض لكم نيسان باترول موديل 1991 مكينه 4200 كربريتر جميع اوراقه ساريه من ناحيه الفحص الدوري والاستماره كل شي جديد الموتر قبل كان حكومي وممشاه 180 الف تقريبا وتم تجديد الداخليه من المالك الي قبل والقير مغير وتقريبا مشى عليه 20 الف وشريته منه والسياره معي لها سنه ولا تشكي من اي شي وتقريبا مشت معي 20 الف طبعا هو اشتغل على الداخليه والشكل ونا اشتغلت على القطع الاستهلاكيه والميكانيكيه الأشياء الي سويتها في السياره : 1- تغير كربريتر (وكاله) 2- تركيب ديلكو إلكتروني (وكاله) 3- باكم فرامل وباكم كلتش (ياباني بسبب ماحصلت وكاله) 4- مساعدات 5- قماشات 6- تصفيه الموتر بشكل كامل تنظيف ثلاجه وزن بلوف وتنظيف الاديتر وتغير بواجي وتغير صفايه البنزين علبه تبخير 7- تركيب فرارات 8 - طقم كفارات 5 مع السبير طبعا البدي مرشوش كامل السياره مجدده من الصدام إلى الصدام من ناحيه الداخليه والخارجيه والميكانيكيه وكل قطعه متعوب عليها الموتر اضمن لك سنه ما تحط في بطنه غير زيت المكينه جاهز وكامل والكامل وجه الله. الموتر على السوم مالي حد فيه خير الكلام ما قل ودل.