طائرين نوع ببغاء كنيور قرين شيك الجنس: ذكر للاثنين تم التحليل لهم العمر: سنتين الصحة : ممتااازة، تدرجات ألوانهم رائعة و ريشهم يلمع من الصحة ماشاء الله لاقوة إلا بالله نشيطين، يرقصوا، ويطقوا رقبة، 😃 يتكلموا: يقولوا حبيبي، بوسة مع صوت البوسة، ويقولوا إيش فيه وإيش تبغى😎، للصامل حأرسله فيديوهات لهم مولفهم على أكل الفواكه، تفاح، كمثرى، موز، ويعشقوا العنب، نقطة ضعفهم العنب، إذا تبغاهم يسمعوا الكلام، يدخلوا القفص تاني على طول بحبة العنب، ياكلوا بيض مسلوق وكمان يحبوا القرمشة عيش تكون منشفه، شابورة، حبوب مشكلة، مكسرات، شهيتهم ماشاء الله مفتوحة ع الأكل يحبوا المربى جدا أعطيهم هي مكافأة وأنا أجيبلهم اللي من غير سكر مضاف والحلو فيهم أن الببغائين متطابقين تماما ماتقدر تفقرق بيناتهم إلا بلون الحجل أو بالشخصية ،شخصيتهم مختلفة، كل واحد وليه شخصيته، واحد شقاااوة والتاني رزززة مو على طول يقبل على أي أحد جديد، يعشقوا الموية أنا أخليهم يلعبوا في الموية ويتروشوا اللي يبغى ياخدهم، اخدهم الاتنين مع بعض لأنهم مرة أصحاب ويدوروا على بعض مرررة يحبوا صاحبهم اذا ولفوا عليكم مايحبوا يجلسوا ف القفص على طول يا على كتفك على شعرك، جنبك على الكنبة أي مكان المهم جنبك اللي ياخدهم في ذمته ويخاف الله فيهم، ماهم للأطفال واللعب فيهم السعر 2200 ﷼ للاثنين مع قفصهم معلق، مع الحامل الخاص بالقفص