ياجماعة انا اريد حل عندي مشكلة مع شركة اليسر اخذت منهم سوناتا نظام تأجير 2016 عام 2016 وتعثرت بالتقسيط كان القسط 1700 وسحبو سيارتي وقالوا نرجعها اذا دفعت 30 الف اقساط متأخرة رحت دفعتها من فاعل خير وفوقها الف وعليها قيمة سحب السيارة وبعدها جدولو لي من جديد بفائدة جديدة ورفعو القسط الى 2100 وانا وقتها ابي بس الامور تمشي ماكنت منتبه ماافهم بالعقود وحوستها المهم قسطتهم بحدود ال15 الف وبعدها تعثرت وسحبو سيارتي وباعوها وحطو علي الفرق 75000 ووقفو خدماتي بعدها بفترة قالوا عندنا لك عرض نجدول لك ال75000 ووافقت لاني كنت مضطر وبحاجة انه ينفك حسابي واستفيد من المبلغ اللي فيه المهم جدولو لي بقيمة 113 الف والقسط 1884 وقعدت اقسطهم ومرات اتعثر ويقفلون حسابي وارجع اسدد المتأخرات ويفتحونه حتى باقي لهم من 113 الف حول 65 الف ومخلين امر التنفيذ مفتوح اذا سددت فكو حسابي وتم الامهال اتأخر قسطين يقفلونه من جديد وهذي حالتي معهم والحين مقفلين حسابي بسبب تأخر قسطين وحاولت ارفع قضية عليهم بس المحكمة كل مره ترجع لي الطلب مره طلبوا ارفق كشف حساب والمشكلة ماعندي لان بعض المبالغ اللي سددتهم سددتها من حسابات ناس فاعلين خير ولااعرف وينهم وانا طلبت من المحكمة انها تلزم الشركة يجيبون كشف حساب باللي سددته لهم كلهم لكن الطلب انرفض مره ثانية بنفس المشكلة ارفق رحت ارفقت لهم تقرير من سمه بس كذا ابي القضية تمشي علشان اقدر اتكلم مع القاضي لكن بعد رفضو الطلب وانا والله تعبت نفسياً موظف بند اجور على قد حالي بعيد عن ربعي واهلي انا بمنطقة وهم بمنطقة بيننا 600 كيلو وراتبي 5272 مستأجر شقة بثلاث الالف والبنك يستقطع 1599 قسط تمويل يصفي لي تقريباً 900 ريال منها اسدد الكهرب بعد ومتزوج من 15 سنة ولارزقني الله بعيال ولاني قادر نعالج ونشوف حالنا ويعلم الله لو علي كان الامر هين لو آكل من الشجر لكن عندي امانه الله امني عليها زوجتي المسكينة والعمر تعدى 46 عام واليوم ابي احد يفزع لي يوجهني كيف احل مشكلة اليسر لاني مااقدر اوكل محامي وامور المحاكم ماافهم فيها مو معقول كل هالاموال يبونها على سوناتا 2016 ولا ساحبينها بايعينها وسامحوني والله ماودي اشتكيت لاحد لكن والله ماتكلمت الا بعد مانسدت بوجهي الابواب