2003
قير عادي
بنزين
الممشى: 300 ألف كيلو
دبل
السلام عليكم ورحمة الله وبركاته
ارجو قراءة الإعلان بشكل جيد
أعرض لكم جيب باجيرو 2003 (حكومي سابقاً).
الموتر معي من 3 سنوات وجددته كاملاً وكل سنة قبل الشتوية انفضه من الصدام للصدام شغل وكالة ..
الموتر منفوض كامل كفرات وبطارية وعضلات يعني شغل واكشت ..
🔴 الموتر مجهز كامل:
- طبق واسع .. يشيل تبارك الرحمن لاني شايل المرتبة الخلفية مثبت بدون ارجل .. (المرتبة الخلفية موجودة).
- لمبات على الجانبين وفي الكبوت والشنطة.. (شغل فنون التجهيز).
- تمديدات الكنود.
- سحابات تخزين بالشنطة.
- تانكي موية تقريباً 120لتر.
- ارضية الموتر معزولة 3 طبقات (قار 1.6ملم، وفرش تايواني فرش عادي)..
- سقف الموتر معزول 3 طبقات كذلك .. (في عز الحر الموتر بارد ماشاء الله تبارك الله) ..
🔴 ميكانيكياً:
- المكينة 3500cc مركبها من 3 سنوات عند تشليح مرضي بالحاير شرط ما تنقص ولا تدخن (مرفق فاتورة المكينة) .. وماشاء الله عزم ونشاط.
- تم تغيير القير من سنتين مع تغيير صحن ودسك وفحمة كلها وكالة (مرفق الفاتورة) .. مشروط ..
- الدبل كذلك مغيره من سنتين كان فيه مشكلة بالجنزير، شغال خفيف وثقيل .. مشروط ..
- مساعدات جبريال.
- بطارية جديدة (اوربية) .
- تم تغيير سوايل السيارة من 3 ايام (مكينة، دبل).
- المكيف شغال ثلج تبارك الله وعدلت عليه بأني أضفت له فلتر مكيف.
🔴 حالة البدي: وكالة تبارك الرحمن عدا ضربة بالرفرف الخلفي يمين غير واضحة وطلعت مع الفحص.
- بوية الموتر مجددة من 3 سنوات بسبب ان الموتر حكومي سابق وعلى نظافة شرط.
الموتر نفضته من اسبوعين للشتوية ولكن رغبة في سيارة اوسع عرضته للبيع ولا نيب عجل .. ومركب له طقم كفرات جديدة نقشة شاهين.
والمعذرة سومه اقل 25000 لن ينظر لها ..
الفحص جديد .. الاستمارة جديدة
عمولة الموقع على حساب المشتري
السوم على العام برقم الجوال
مالي بالبدل
والله الموفق ،،،
