شيفروليه ماليبو LTZ 2014
قير اوتماتيك
بنزين
الممشى: 258 ألف كيلو
السلام عليكم ورحمة..
ماليبو 2014 فل كامل ممشى 266 مالك ثاني استخدام 9 سنوات من ممشى 60 الف جميع عيوب السياره وتصليحاتها تمت معي وهذا ملخصها والرجاء لايتصل الا الصامل ومراعاة اوقات الاتصال والسوم خارج الموقع واصل 22 الف ..
السياره مفحوصه من صامل والتقرير موجود والعيب الموجود تهريب صوفة القير وماصلحته ولا راح اصلحه مايستاهل فك القير عشانه ، وتحتاج ايضا بلف حراره يحتاج تبديل لايظهر بالفحص ولكن ل ابراء الذمه ، الصدمات السابقه طقة بالرفرف يسار موضحه بالصور وايضا تم تغيير الصدام لانه انشق وتم شراء صدام وكاله والرش خارج الوكاله والصدام الخلفي تم رشه لتجديد البويه . سبب البيع مخالفات مروريه وايضا وجود سياره اخرى.
الصيانات :
تم تغيير جميع الاذرعه وتم تغيير عكس يسار وكاله زيت القير تم تفريغ مقدار علبتين وزدته علبتين قبل سنتين ، تم تركيب مبرد للقير واللي لهم بالامريكي يعرف معنى مبرد للقير، السياره بعد اذن الله شغل وامش طبعا تحتاج تغيير الاشياء الاستهلاكيه مثل البواجي وتنظيف البوابه والقماشات ، الموتر خلال السنتين الماضيه ماممشى اكثر من 20 الف لوجود السياره الاخرى.
ختامًا :
جميع المعلومات موجوده لتقليل الوقت المستهلك بالاتصال والمكالمات ، الصامل يتواصل بالواتس او بالخاص.