Z71 2010
قير اوتماتيك
بنزين
دبل
السيارة فل كامل داخل وخارج نظيفة الا من بعض الخدوش. حسب علمي خالية من السمكرة والحوادث. ما شيكت عليها في موجز بس شيكت عليها لما اشتريتها في ورشة قبل 3 سنين او اكثر.
السيارة نظيفة بصفة عامة والمحرك موضب عند 250 الف كيلو تقريبا. الآن العداد يمكن 360 الف. الدبل شغال الحمد لله والمكيف شغال.
المكينة مقاس 5.3 لتر.
قير اوتوماتيك.
دبل فرار شغال ثقيل وخفيف واوتو.
نظام توفير الوقود ( FlexFuel )
مقاعد امامية كهرباء.
شاشة وكاميرا وحساسات خلفية.
مقاعد جلد كامل سليمة (في الصور باين كأنها وسخة او مجربعة, من التصوير لكن المقاعد سليمة 100%).
كونسول امامي (مقاعد امامية مفصولة)
عليه غطاء حوض صلب ينسفط.
يوجد ادراج تخزين تحت المقاعد الخلفية.
تظليل زجاج كامل.
حماية الوجه بس قديمة وظاهرة كأنها مشطبة. بس ماهي مقشرة.
لوحةمميزة باسم: أ ن س
البيع باللوحة.
يوجد مفتاحين ريموت الوكالة
كتالوجاتها موجودة
نظام ستيريو رودماستر بريموت
يجي معاه كت باك (دبة صوت عادية ماهي ماركة مع مواسير الشكمان والتوصيلة ومخرجين. فكيتهم عشان ركبت لها دبة الرصاص.
البيع كاش.
الاستمارة مجددة والفحص جديد.
الحد 30 الف غير قابل للتفاوض
الملاحظات:
يوجد بعض الملاحظات يجب إعلانها حتى يسوم من يسوم وهو على دراية بها.
1- القير فيه نتعة لما يغير من الاول للثاني والعكس.
النتعة هذي ظهرت قبل سنتين مع العلم أنا ما غيرت زيت القير بعد ما اشتريته, بس كنت كل فترة اسحب علبتين وازيد علبتين بس ما غيرت الفلتر إلى الآن. (متردد)
عرضتها على المختصين في القيرات, اللي يقول شريحة واللي يقول توضيب الى ان وديتها للجربوكسات الامريكية اللي عند المعارض هناك وكشف عليها وقال لي: هذي النتعة ما تأثر على المشي وممكن يضرب عليك القير بكرا ويمكن يمشيك سنين. المهم الآن سنتين والامور زي ماهي.
بس أنا مرة شفت واحد نزل موضوع في النت انه كيف اتغلب على النتعة في سيارة دودج. على كلامه انه وداها شركة لوكاس في شارع صاري وغير زيت وشفتط الزيت منالبطيخة وغير فلتر وحط زيت لوكاس أو ا ام اس اويل وعلى طول راحت النتعة. (ما جربتها)
ومرة قريت مواقع امريكية تقول احيانا تكون النتعة من حساس الدعسة. (ما غيرت البوابة ولا الحساس)
2- حساس الايرباق مولع. مو من حادث حسب علمي وهو مشكلة في الحساس.
3- قفل باب السواق مو كويس. عادي يقفل ويفتح بدون أي مشاكل, لكن لو اخذت فيه مطب قوي يمكن تولع لمبة الغمارة وينبه الجرس كأنه احد فتح الباب وبس يرجع عادي نص ثانية بس من الهزة.
4- قفل باب الراكب خلف السواق برضه أظنه ينسم لأن القفل مو مضبوط. واحس ان فيه صوت هوا. السمكري قال لي تغير القفل.
5- قفل باب الشنطة أيضا ماهو سلس. يحتاج تدفه بقوة عشان يقفل وما يفتح عليك. لكن بالمفتاح يمسك.
6- المكينة مافيها دخان والعزم ما شاء الله, لكن لاحظت ان الزيت ينقص لما اغير الزيت.
هذا اللي اذكره واعرفه والله أعلم بما خفي.
نسأل الله أن يرزقنا واياكم رزقا حلالا مباركا فيه.
سبب البيع اني اشتريت من اخوي سييرا خدمة شاقة موديل احدث وبالتالي ما احتاج هذا ( بس والله صلب ويعور الظهر وعالي علي وأنا شايب ويصرف بنزين, لكنه ممتاز عزم وقوة
