2012 قير عادي بنزين الممشى: 200 ألف كيلو السلام عليكم ورحمة الله وبركاته اعرض لكم تشالنجر قير عادي 6.4 2012 الموتر سعودي وطبلونه بالكيلو. ماشي تقريبا 200 الف تامين وفحص جديد. الموتر مغير لونه بالكامل من ابيض للأحمر الغامق. الموتر فل كامل ماعدا الرادار. الموتر موظب مكينة وقير قبل تقريبا 6 شهور من راعيه الاول وماشاء الله تبارك الله. القير كل قطعه مطلوبه من امريكا واصلي. كل شيء ف الموتر شغال ولكن فيه بعض الملاحضات. يحتاج دينمو وطرمبة دركسون. (الموتر شغال ويمشي) الموتر فيه لحام بسيط في راس الشاص الجهة اليمين ولا تأثر ولا تضر (ايرباقات ماطلعت) لمبة المكينة ولمبة الايرباق ما تطلع اثناء التشغيل وكانت من ضمن خططي اني اصلحها ولكن ما فضيت لها. الداخليه تحتاج ترتيب على خفيف. البودي من برا من نظيف ولكن يحتاج ترتيبات. العضلات مغيره الحمدلله ولكن يوجد مساعد يحتاج تغيير. وبعض الملاحضات الاخرى البسيطه. شريت له حاجات كثير ولكن ما ركبتها وشريت له واجهة كامله جديد مع رفارف وايد بدي اذا جاب الموتر سعر طيّب بتكون فوق البيعه واذا ماجاب بتكون خارج البيعه . الموتر ماخذه ترتيب ولكن حدتني الظروف والحمدلله على كل حال . الموتر قير عادي اصل ومكينة 6.4 اصل وهذا شيء نادر جدا جدا. اتمنى عدم بخس سعر الموتر واعطاء الموتر حقه ، ان جاب حقه بعته وان ماجاب مكانه محفوظ. اتمنى تذكر الله ويشرفني مرورك. اي استفسار الرجاء (التواصل على الواتس) لقلة استخدامي لرقم الجوال. الرجاء الرجاء لا يتصل الا واحد صامل وعارف ندرة القير العادي ولا يكلمني الا صامل واذا صملت لك احقية الفحص في اي مكان وشكرا.