2009 قير اوتماتيك بنزين الممشى: 300 ألف كيلو السلام عليكم ورحمة الله وبركاته مثل ماهو واضح بالعنوان : للبيع فورد فكتوريا سعودي 2009 مكيفين ، اللون الخارجي اسود ملكي ومن الداخل هلوز نظيف ماشي 500 الف مفحوص ومجدد البودي والداخليه : وكاله تبارك الله سواء تعديل خفيف بنهاية باب السواق بدون رش ولا سمكره وموضح بالصوره ، وفيه بداية تبهيت على الكبوت ولكن ماهو واضح بالحيل ، اما الداخليه ما شاء الله نظيفه والصور خير برهان المحركات : ما شاء الله ممتازه جدًا ، والمكينه لا صرفيه ولا تدخين ولا تبخير ولا تقلب الزيت والتكييف تبارك الله شغال حار وبارد العضلات : الحمدلله ممتازه ، لا قربعه ولا اصوات ولا فضاوه ولا حذفيات ولا شي ، الموتر متماسك ومحشوم ، ودخلته الفحص ونجح من اول مره السياره ما شاء الله تبارك الله دق سلف وامش ، موتري الشخصي ومحافظ عليه ولا اركب له الا قطع وكاله وكفراته جدد نيكسن ، وغيرت جميع الصوف وركبت له جلد بلوف بدون خراب ، احتياط فقط وركبت بواجي وغسلت البوابه وسويت له تصفيه ، وغيرت القماشات وهن باقي فيهن نص عمر ، والقزازه الاماميه غيرته علشان الفحص ، وركبت له عدسات وشمعات LED بما يقارب ال 2000 ريال ، ما شاء الله خط مستقيم مثل ماهو موضح بالصوره وبالطريق النور ما شاء الله ، وركبت له تكايه وكلفت فوق ال500 ريال ، باختصار الموتر على وكالته ووقفته حلوه ، ولا عبث فيه ومحافظ على زيوته واموره كله بانتظام ، وكتلوجاته وشنطته واغراضه كله موجوده ، والي بياخذه باذن الله بيدعي لي . السوم : سيم مني قبل سومات طيبه ولا بعته ، وسيم بمعرض القويعي قبل اسبوعين تقريبًا ب 25 الف قبل ولا بعته ، وكنت ابي زود لكن الآن ابي ابيعه بسومته ، الي يبي الموتر ب25 يجي ويفحصه ويسوقه ويجربه ولا يشري الا وهو مقتنع فيه ميه بالميه ، واي استفسار رقمي موجود ، وصلى اللهم وبارك على محمد