السلام عليكم ورحمة الله وبركاته مشروع مدروس من كل النواحي وناجح وغير موجود حتى الآن في السعوديه، المشروع هو نقل دولي او داخلي لكن الدراسة الناجحة كانت خط دولي بالذات لليمن وهو عبارة عن باصات تسمى الباص النائم وفي الغرب تسمى سليبر باص واقترح أن يكون اسم المشروع ( سليبر للنقل الدولي Sleeper) كما هو المعروف ان عدد الكراسي في الباص العادي 49 راكب قيمة التذكرة 200 سعودي لليمن ذهاب فقط اذا ضربتها في 49 تطلع 9800 في اليوم طيب اغلب الشركات تطلع ثلاث رحلات في اليوم لليمن طيب اضرب 9800 في 3 تطلع 29400 في اليوم اضربها في شهر تطلع 882,000، خلنا نخصم من هذا المبلغ قيمة الديزل وراتب السائقين وما إلى آخره ماراح تتعدى أكثر من 100 الف، يعني يصفى لك تقريبا اكثر من نص مليون في الشهر، كل هذا الكلام اللي ذكرته بالنسبة للباص العادي، الحين نرجع لمشروعنا الباص النائم او سليبر باص Sleeper اللي هو بدال الكرسي يكون سرير تقريبا كل سرير ياخذ حق اثنين مقاعد يعني راح يقل عدد الركاب بدل ما كانوا 49 في الباص راح يكونوا 25 سرير، راح تقولي طيب الفائدة انخفضت! اقول لك لا، انت راح ترفع سعر التذكرة 400 او 350 وانا أضمن لك ان الراكب اليمني راح يدفعها، اكلمك من واقع تجربه ، السفر لليمن عذاب زحمه وتعب ومشقه يوصل الواحدورجلينه متورمه، لكن لو وفرت له sleeper وحطيت في كل سرير شاشة ومنفذ شاحن وستارة صدقني راح يكون مشروع ناجح مئة بالمئة بالذات لو وفرت بوفيه في الباص ودورة مياه أكرمكم الله، انا طولت في الكلام رغم ان باقي تفاصيل كثيرة ما ذكرتها لكن للي حاب يجرب الثراء السريع يتواصل معي اعطيه فيديوهات وصور لهذه الحافلات وتفاصيل أخرى مهمه لهذا المشروع، واسأل الله أن يبارك للجميع، تحياتي ابو مكة. ملاحظة اللي بيأخذ الفكرة في ذمته رسوم الموقع 1٪