2014 قير اوتماتيك بنزين الممشى: 1 ألف كيلو " الرجاء قراءة الاعلان بالكامل " كابريس 2014 ممشاه حدود 235 الف مرشوش كامل تجديد و الوجهيه لعب فيها السافي الموتر استخدامي شخصي شريته من راعيه 2020 و وضبت مكينته بسبب التكايات و كل القطع اللي ركبتها قطع شركات امريكية و مكسيكية بعضها رياضي و بعضها وكالة من يوم اشتغلت على الموتر و فيه شيء عطلان ما صلحته لعدم حاجتي للموتر اللي هو كمبروسر المكيف يحتاج تغيير كامل و سعره حدود 1100 تقريباً تشليح او توليف عاد اللي ودك و غيره و لله الحمد ما يشكي من اي شيء أبداً و سبب الممشى دوامي في رنيه و اغلب الشهر خطوط للرياض و الحمدلله كل شيء فيه سليم .. الموتر واقف لها 8 شهور و شاري له زيت و بطارية جديدة قلت ببدا اشتغل عليه و يحتاج كهربائي يشوف موضوع توصيل الكهرباء للدينمو فقط المكينة و القير الحمدلله ما اشتكيت منها بشيء لا نقص زيت ولا طقه و لا تاخير تعشيقات ولا حرارة ولا مشاكل كهرباء اشتغلت المكينة عند رضوان " ورشة معروفة في صناعية العروبة و الشمال و الرمال على مستوى شد المكاين " كان شغال في الجميح و عارف الموتر و عارف كل شيء كهربته قبل الوقفه مشتغل عليها عند الكهربائي شان و الاغلب يعرفه خصوصاً حقين الكوابرس كنت ناوي على مشروع بس الوقت ما يسعفني ولا تفرغت له الموتر عليه فلتر vcm و مواصير ماكس باور و دبات خلفيه بولت 3 انش بالجهاز و الريموت و كلها شغاله الحمدلله مع وجود دبات الوكالة الخلفية ابراء للذمة الموتر على يدي جته صدمة في المقدمة لا تذكر و صلحتها قبل التجديد و الرش الكامل عند ورشة الايادي الذهبية صناعية الخليج في الرياض حرق بوية و صنفره و رش فرن و وزنيات مثل الوكالة الموتر مكانه موجود سواء انباع ولا ما انباع الشريطية لا يجون البزر اللي شوره ماهو في يده لا يجي الحد 38000 اقل من كذا ما فيه بيع او البدل بسييرا 10-13 لحد يحاول منعاً للاحراج احترام وقت الاتصال .. الرجاء قراءة الاعلان كامل بالتفاصيل و الصور - لكثرة الاسئلة بخصوص الموتر الصدق اني ما ادري وش يحتاج اخر مره يوم جيت بشتغل عليه كلمت قراج vodoo للتعديل و كلمت yrt بخصوص وضعه كلهم اجمعوا انه الموتر لازم ينقل بسطحه بدون تشغيل ينسحب منه الزيت الاول و يتغير لزيت جديد للمحافظة على المكينة-