فورد فلكس 2010 قير اوتماتيك بنزين الممشى: 1 ألف كيلو ما شاء الله تبارك الله الموتر نظيف وشرط والاعلان تفصيلي بالصور والشرح فورد فليكس 2010 سعودي توكيلات الجزيرة فحص جديد امس الاربعاء مفحوص ومجدد شغل وامش ماتحتاج أي شيء شرط من الصدام للصدام كل شيء وكالة ما عدى ملاحظات بسيطة جداً موضّحه بالاسفل الممشى 362 ألف المالك الثاني من الوكالة من يوم هي ماشيه 130 الف وله اكثر من سبع سنوات معي اللون عنابي مكينة شرط قير شرط مكيف شرط زجاج السيارة كله وكالة ماعدا اثنين موضحه بالشرح تحت 3 صفوف 7 ركاب كشافات ضباب قير أوتوماتيك مكيف مركزي مع تحكم خلفي منفصل تحكم دركسون كامل نظام صوتي بلوتوث نظام microsoft من الوكالة مثبت سرعه مانع انزلاق نظام منحدرات مرتبة السواق تحكم كهربائي سفط المرتبة الوسطية كهربائي شنطة العدة والإسعافات سبير الوكالة مانزل تضليل حماية عازل الدرجة النظامية من الوكالة حماية على الشبك والأنوار المراتب تم تلبيسة بلاستيك اول ما طلع من الوكالة ماشلته الا من فترة بسيطة وشرط المراتب والديكورات من أي ملاحظة ماعدى التكاية به شوي تشققات موضحة بالصور البدي لا يخلو من الحكات بدون تعديل وموضح بالصور كل شيء والفحص خير برهان التغييرات والصيانة: - كفرات جديده قبل 3 شهور تقرياً (موجودة الفواتير والضمان) - سلف أصلي وكالة قبل شهر - بطن السيارة منفوض بالكامل من وإلى أصلي وكالة بأكثر من 5 آلاف ريال الموتر باستلام الوالد معتني فيه عناية تامّة وتغيير زيت المكينة والقير بشكل دوري وكل التغييرات تشمل الزيوت والفلاتر أول باول دفاتر وكتيبات واوراق السيارة موجودة من طلعت من الوكالة وحتى الآن بما في ذلك ورقة استلامها من الوكالة وفواتير القطع والضمانات الملاحظات: الزجاج الأمامي مبدل بسبب ترميل زجاج باب الدبة مبدل بسبب كسر بالزجاج الرفرف الخلفي الأيمن مبهت بسبب رش سابق موضح بالصور طقة بالكبوت والشبك موضحه بالصور طقة اسفل باب الراكب وحكه بالباب تروح بالتلميع موضحه بالصور طقة الرفرف الخلفي يمين ايضا موضحه ديكور بلاستيك بجنب الزجاج الخلفي خارجيه منكسره موضحه بالصور الموتر ماسويت له لا تلميع ولا اي شيء كله لعدم اخفاء أي عيب وإبراء للذمة عشان يكون كل شيء واضح موتر للمستخدم ينسفط الموتر شرط شغل واستخدم مايحتاج لاي شيء نهائياً وافحص بالمكان والطريقة اللي تبيه أفلح من ذكر الله والسعر حد بـ 25 ألف والصامل ما نختلف بالمعقول