2009 قير اوتماتيك الممشى: 300 ألف كيلو بسم الله الرحمن الرحيم اللهم صلي وسلم على نبينا محمد اعرض لكم التيما 2009 نص فل قير اوتماتيك الفرش نظيف جدا الداخلية لا يوجد ملاحظات ولا شقوق المواصفات المعروفة /- بصمة دخول ذكي مثبت سرعة في مواصفات ثانية لكن مدري 😂 السيارة ماشية 365 وكسور الف ماشاءالله والسيارة تم اجراء صيانتها قبل شهرين بقيمة 4000 الاف ريال بنفض البطنية الاماميه تم تغيير المقصات تم تغيير عكوس مسامير توازن جلد توازن سير ماكينة كراسي ماكينة طقم بواجي موجودة كل الفواتير وكان يوجد تهريب زيت ماكينة بسيط من الصوفة وتم تغيير الصوفة الماكينة وغيرت بالمرا صوفة طنجرة القير السيارة ماقلك مافيها ولاشي السيارة تحتاج بعض الصيانات واكون معكم صريح السيارة فيها رجرجه اذا عبيت فل او اذا طلع معي حمولة وزن على الاغلب قالو تحتاج دودة لكن الله اعلم مافضيت اكمل صيانتها بسبب الاشغال لكن تحتاج الفين بالكثير واذا موب اقل بعد وامورها تمام بس السيارة ماتقلك لا وتوقفك تمشيك داخل المدينة اكرفها عادي ماتقلك لا بس اذا انت راعي خطوط صلحها وامورها تصير زي اللوز مركب لها ليد قوي ماشاءالله يفرش فرش السيارة صارلي استخدمها سنة ونص ماشاءالله ماعطلتني ولا مرا ماعدا مره وحده بسبب الديمنو ومشكلة شائعة بين السيارات غيرت اصلي وكالة ولا فيها شي الان 🔴* البدي مابقلك وكالة ولا بقلك مرشوش الصراحة مدري عنه شريت السيارة من صاحبي ولا سألته لكن يوجد بعض الصدمات الخفيفة على الرفارف البدي والفحص والاستمارة منتهي الصراحة الخلاصة السيارة تصلح للي مستخدم داخل المدينة ويقضي مشاوريه ودوامه واهم الشي الحرارة اللهم لك الحمد ماشفتها المكيف بارد لكن لك عليه شوي من الاجواء الرياض مايبرد علطول 😂😂 الختامية السيارة اقل من 15 ما ببيع والسيارة ان ماجابت السومة الزينه مكانها محفوظ والله يحفظكم من كل شر واسفين على الاطالة 😂😂