نيسان باترول السلام عليكم ورحمة الله وبركاته التواصل ( ( واتسااااااب ) ) سوبر سفاري 2003 لوحة (ا ن هـ 4800) سبق وعرضتها وانسامت بـ6000 آلاف ريال له معي 16 سنه ومحافظ عليه ومغير اغلب القطع وجميع ليات المكينه . - مواصفات السوبر المعروفه وجميع اللي فيه شد بلد وشغال ماعدى الفتحه سبق وصلحتها وقبل فتره تعطلت - البدي اغلبه شد بلد المرشوش بسبب التبهيق الكبوت وبعض البلاستيكات والدعامه الصدام الامامي فيه رشه قبل اشتريه وباب الشنطه تم رشه بسبب ضربه رجعت على ماصوره وانعفط جزء قبل 14 سنه والآن رشيته ثانيه للتجميل . - المحركات / المكينه ولله الحمد سليمه كان فيها نقص بسيط وبعد المحافظه على تغيير بلف التبخير ماعاد لاحظت نقص بس فيه ريحة كربون اول ما اشغل الصباح وبعدها يصفي - غيرت صوف القير والدبل بدت تهرب خفيف لانها كانت شد بلد وغيرت زيت القير نيسان ماجك J وكاله اضفت 4 لتر وابقيت 2 لتر من القديم على حسب توصية المختصين آخر تغيير كان قبل 3 شهور لاني كل 100 ألف اغيره فيه ملاحظه من سنه تقريباً تأخير ثانيه اول ما احطه D لكن اذا مشى تغييراته طبيعيه ولله الحمد - اول ماشريته كان ماشي 142 ألف ومشيت عليه الى 520 ألف وتعطل العداد ولا فاد فيه التصليح وشريت عداد جديد وكاله بقيمة 2870 ريال والآن ماشي 52 ألف - فحماته وقماشاته شبه جديده بالوسادات او كما بسمونها الحدايد اللي تجي فوق الفحمات تمنع القرقشه لان اغلب العمال يسرقونها وهي مقطوعه من السوق - الاضافات - 4 يايات استراليه من الرمايه اولد مان ومساعد دركسون من نفس الشركه اﻻصفر - طقم مساعدات بروفندر لها سنتين وسليمه - فلتر امريكي يركب زي الوكاله مكلف مع الشحن 800 ريال - كفرات شبه جديده رانوي صيني وثاني مره اركبها ممتازه للخطوط ثبات ورساوه في البر قاسيه وكيلها البعيجان جنوط نضيفه وبدون اي رجه ولله الحمد آسف على الاطاله الافضل تواصل معي واتساب الموقع الافلاج سبب البيع معي سياره ثانيه واصبح دايم واقف وترددت كثير في عرضه واللي بيشتريه راح يشتري موتر متعوب فيه