نيسان باترول 1996 قير عادي بنزين  دبل كلبليتر 1996 اسعد الله اوقاتكم بكل خير، للبيع باترول 1996 gl مكيفين ثلاجتين نظيف جدا وبشدة بلاده، ، مكينه شرط لا نقص ولا حراره ، قير ودبلات ودفرنسات شرط والموتر شيخ ومليان ماشاء الله، الممشى بالطبلون 604 الف البدي فيه اجزاء رشوش بسيطه متفرقه اثر حكات بحتان دون حوداث ،، عليه مرواح سبارو ،، عليه فرار برازيلي ، عليه 4 كعكات ، الموتر كل قزازه قزاز وكالته بالختم ومعه اغراض وكالته وكل شيء شغال ماشاء الله ، الموتر منفوض تحتيه وكبوته ومصفى قريب بالكامل من بواجي واسلاك بواجي ومركب له ديلكو الالكتروني وكاله ب 2000 بدال العادي وجميع القطع الاستهلاكيه مجددها مع وجود الفواتير ، المكيفين والثلاجتين شغالات ثلج ماشاء الله وتم تنظيف كل دائره التكييف والثلاجات وتعبيه الفريون الموتر له سنه معي ماخذه من قريب لي والموتر قبل قريبي كان مع شخص قاني الموتر فتره ومحافظ عليه اسافر عليه انا واهلي قريب وبعيد وواثق بالموتر وين ما اسافر ماشاء الله شيخ بمعنى الكلمه والتجربه خير برهان لا اصوات ولا هربده وعزمه طيب مشيت عليه الى 150 متماسك بالخط ، الكفرات مركبها بعد ما شريت الموتر ومن مشتراي ما كملت سنه ولا مشيت عليها واجد اقل من 30 الف ، مفصل له طبق وبنفس الوقت مساند لظهر مع مراكيها ومفصل له تلبيسه للبيبان الخلفيه وتلبيسة طبلون من السنيدي والقير وتكايه مفصلها له تفصيل وجودتها عاليه جداً وغاليه ، معه تانكي ماء موصل بحنفيه خارجيه ولّي موصل بطول حدود 3 امتار + لمبه لد جانبيه ،، الموتر ماشاء الله مايحتاج شيء حتى الزيت والسيفون مغيره اليوم ومشيك على كامل زيوته وعند مركز شيك والزيت اغيره كل 3 الف وجميع الفواتير الالكترونيه موجوده بقرائة العداد الموتر باختصار محافظ عليه وجاهز استماره وفحص جديد اختصار لوقتي ووقتك الموتر ما راح ابيعه باقل من 25 الف لانه مكلفني واجد ويستاهل. هذا والله يوفقنا وإياكم الى ما يحبه ويرضاه التواصل واتس فقط لعدم دخول الموقع باستمرار والرجاء مراعاة اوقات التواصل وشكراً السوم وصل بالواتس 26 0550092005