بيني قط للتبني في الخبر / الدمام ذكر تم انقاذه واجراء عملية الاخصاء (لا يتزاوج ولا ينجب) رموه اصحابه بالشارع وتم انقاذه. تم فحصه وترويشه عند طبيب. نبحث عن شخص يخاف الله وما يبيعه أبد أو يسيء له، وفي حال عدم المقدرة على اكمال الاهتمام به يرجعه. القط كبير الحجم (ولا يتقبل أغلب القطط الأخرى) ويحتاج شخص عنده خبرة في التعامل مع القطط لأن فيه عناد وغيور من القطط الثانية خصوصا لو عندك قطط خوافين بيلحقهم ويهاوشهم. لكن لاحظنا انه ينسجم مع القطط اللي تطنشه. ولكن ما عندنا وقت نعرفهم ونحتاج له بيت آمن ياخذه ويهتم فيه لأن دورنا انتهى بعد انقاذه وتنظيفه وتعقيمه. شروط التبني: يكون شخص واعي قادر على توفير أكله وشربه والاهتمام به توفير اللتر بوكس وايضا وجود من يهتم به أثناء سفرك. عدم رميه في حوش أو مزرعة ولا اهماله. موافقة جميع أفراد العائلة وعدم وجود حساسية وعدم وجود أطفال يؤذونه. التواصل واتساب ( رقم الجوال يظهر في الخانة المخصصة ) لا يوجد رسوم تبني ولكن هناك استمارة تبني للتأكد أن الشخص فعلا جاد في تربيته وسيخاف الله فيه وبعدها لازم مكالمة نتأكد من جديتك وأنك ستعرف الاعتناء به. رجاء زهقنا من التعليقات الببغائية الفارغة حقت تحريم التعقيم. التعقيم موب حرام!!! بالعكس مهم لوقف تكاثر القطط العشوائي ورميها بالشوارع وهروبها للشوارع. وذا القط انرمى بالشارع لأنه كان طالب تزاوج والحمد لله بعد التعقيم وقف ازعاج وعايش مبسوط. بالله لاحد يكتب لنا ذي السالفة ويفتي من راسه وخذوا لكم الفتوى لأن زهقنا من لملمة القطط وراكم. فتوى للشيخ ابن عثيمين: ;الحمدلله، إذا كانت العملية لا تؤذها فلا حرج، لأن هذا أولى من قتلها بعد خلقها لله فتوى للشيخ محمد المنجد: &;ولا مانع من إخصاء القط إذا ترتبت على ذلك جلب مصلحة معتبرة شرعاً أو دفع مضرة فتوى للدكتور عبدالله المصلح: ;فإذا وجدت هناك مصلحة أو دفع مضرة فلا بأس