بسم الله والحمد لله والصلاة والسلام على رسول الله ما شاء الله بارك الله ولا قوة الا بالله للبيع بالمجمعة. ناقة ضروبة مزيونة شقحاء عشراء أم خامس ( خامسها اللي حدرها الان حوارة قيضية كساب ) منتج انتاجها طيب وكفو وبيع منه باسعار طيبة جداً جداً عند اهلها السابقين. لها عندي 3 سنين خامسها اللي حدرها حوارة شقحاء تمامية مخلولة 6 شهور ونص تقريباً انتجت عندي هالحوارة وقبلها اخت لها رمانية وضحى اكبر منها موجوده عندي عارضها للبيع باعلاني بحراج راجعوه. اللي يبيها لحالها واللي يبيها مع بنتها ميلاد بنتها بالضبط 1445/11/22 ملاحظات: 1- ديدها المقدم الايمن دحلوله كبير وعريض ما ترضعه بنتها نحلبه حنا احياناً عنها لا يوجعها. اما الثلاثة الباقية سليمة جداً وترضعها بنتها واثنين اصلاً يكفن بنتها والناقة شاريها ناقة انتاج وزين ماهو للبن والحلب. والناقة جضور اللي يبي يحلبها يحلبها بعقال وان لقت اللي يعرف لخاطرها ويسايسها يحلب بدون احياناً. 2- اللون الاسود اللي برقبتها ما هو من لونها من المرهم دهناها لا تورم عقب ابرة الديدان عشان يزين حالها هي وبنتها التمامية. والا هي لونها واحد. الناقة على الشرط سليمة من اي عذروب عدا ما ذكرت اعلاه الموقع: المجمعة. سوق البل للصامل لمزيد من التفاصيل والمقاطع والصور راسلني ببريد حراج وعطني جوالك وتس اراسلك. ——————— ——————— (((( السوم 25 الف ))))) على الناقة وبنتها الحوارة التمامية ( وانا شاري الناقة يا الربع ضروبة لحالها ما حدرها شي ب 53 الف ) قبل 3 سنوات تقريباً وراعيها الاول يقول كانت تسام عند اهلها ب 70 و60 وانتاجها بيع منه ب 80 وشراها هو مع جملة اباعر. وانا يسرها الله لي ب 53