خدنا بالنا قد إيه إعلانات الحلويات مدروسة كويس و مصروف عليها ميزانية دعاية و تسويق كبيرة بتلعب على نقطة ضعف أي حد وهي شهوته للأكل، خصوصًا السكريات! 🍰 دا غير إننا في رمضان 🌙وعلى الرغم من كمية الدعاية الضخمة اللي بتروج للحلويات والمشروبات المحلاة، محدش بيقولك الحقيقة الكاملة: إفراطك في السكر مش بس بيزود وزنك.. ده ممكن يدمر صحتك ببطء!
💡 خلينا نبدأ من الأول... جسمك بيحتاج السكر لأنه مصدر الطاقة الأساسي للخلايا، ولما بتاكله، البنكرياس بيفرز الأنسولين عشان يدخله جوه الخلايا، والباقي بيتخزن كجليكوجين أو دهون لوقت الحاجة.
لكن لما بتدخل كميات كبيرة من السكر، البنكرياس بيشتغل زيادة عن طاقته عشان يفرز أنسولين أكتر، ومع الوقت الخلايا بتبدأ "تطنشه" وما تستجيبش ليه زي الأول. والنتيجة؟ مقاومة الأنسولين اللي ممكن تتحول معاك لسكري النوع الثاني، وده مش بس بيرفع ضغط دمك ويرهق قلبك، لكنه كمان بيزود فرص الإصابة بالسمنة وسرطان البنكرياس. 😨
❌ وده مش كل حاجة... السكر الزائد مرتبط بالزهايمر، تدمير جهاز المكافأة في مخك، وتأثير سلبي على طاقتك وتركيزك.
🔥 الحل؟ متحرمش نفسك، لكن خليك أذكى في اختياراتك..
✅ خفف الحلويات واستبدلها ببدائل صحية.
✅ مارس الرياضة بانتظام عشان جسمك يستخدم السكر بدل ما يخزنه كدهون.
✅ حافظ على توازنك لأن صحتك أغلى حاجة بتملكها.
💪 وفي النهاية، نتمنى لكم صحة وقوة دايمًا. خليك رياضي، خليك مسؤول عن جسمك.
كابتن ابراهيم مدرب شخصي معتمد وأخصائي تغذية علاجية معتمد من جولدز اكاديمي nasm بكارليوس كلية علوم الرياضية
