بي ام دبليو 730Li 2006
قير اوتماتيك
بنزين
الممشى: 1 ألف كيلو
الموتر للبيع وبدون وجع راس اللي يفهم بالألماني وتحديداً الفئه والموديل كانت بوقتها الحوت ولليوم وبكره هي لازالت صامده ولها عشاق اقتناء او استخدام ..
————
اختصار الكلام السياره طيبه ومتماسكه عضلات وداخليه نظيفه بحكم العمر والموديل أنا والله من غير كذا ولا اهتمام بالزبون على شان أقنعه احب اقتني واهتم سواء محرك من افضل الزيوت والمويه واللديتر ما عمري عبيتها مويه عاديه حفاظ ع القطعه والتبريد والحراره سوائل مخصصه للألماني بشكل خاص فيها أشياء ما تعيب ولا تاثر بالسياره مجرد كماليات الصدام الأمامي يحتاج تغيير او محلات الفيبر بالصناعيه يصلحه ويرقعه وبويه يصير جديد ومايعيب فيها المكيف كان ممتاز وتبريد جميل وخرب الحساس هذا مشكله المكيف ومتوفر الحساس باي موقع الاهم لفئتها والكمبورسير بشكل خاص السقف غيرته كامل جديد طبيعي ف البي ام يطيح السقف اللي هو القماش وغراء ويرجع لكن مايعجبني الترقيع وصلحته كامل قماش وكاله وشغل نظيف كانه وكاله وصيانه الفتحه وجاري المويه للتصريف مع الأمطار مهمه وجنوط جديده اتوقع واحد صلحت له لحام بسيط اثر حفره وتمام جداً كفرات نصف او اكثر ماتحتاج سنتين ماتغيرها ع مسؤليتي والبويه وكاله ولمعه الوكاله واللون هذا بموديليها جميل ما يشبه لون واناقه انيق عليها ومايليق باي سيارات ثانيه ماشاء الله متماسكه مريحه مصينه قطع عضلات من مقصات اذرعه مسمار توازن اقمشه برمبو او وكالتها محافظ والله عليها وحبيبه جداً لانها كانت رفيقه الدرب والسفر وماشاء الله مالكه الطريق وسارقه الالتفات صرنا نغازلها وتستاهل واحس اني اذم ومقصر رغم عشقي للفئه هذه
———-
الاستماره اتوقع انتهت والتأمين برضوه والفحص جاتني رساله قرب الانتهاء مو مهملها بس عندي بي ام غيرها ومكمن اعرضها خلال هالايام الحفيده لهذه صرت استخدمها والجده مرتاحه بالظل اطلع فيها كذا تمشيه ساعه وتريح عضلات لان الالماني عدو الوقوف لازم يتصدر الخط مايرضى وحقيقه .
————————————-
اللوحة / قفل شبه مميزه ورب العالمين عالم انه دفع شخص 2000 الفين ريال وقلت بنزلها المزاد وتجيب اكثر شوي وياليتني عطيته بس وقت الكلام كان بلحظه مرض وما انت متحمل نفسك ومزاج العالم على شان تداريهم نفسك اهم واعتذرت من سومته اتمنى انه يشوف كلامي ويبشر بالرضى والاعتذار واللي بخاطره ماعندي إلا تم وحاظر باللي ف ملكي
———————————————
الممشى / 450 لحد 500 على نظافه وصيانه
الستار كله شغال بس باب يمين يحتاج فقط واحد مروق ويركب الستاره بسحاب تبعها والباب معلق مره يفتح ومره يطنقر وبالاخير طنقر ع الاخر بس بسيط فيه شخص يضبط المسكه ستاره وباب ولكن وقتي ودوام وحكم البديل امور ما فيها ضرر او خوف والمستخدم الهاوي راح يفهم بالرمش والمحافظ بعد راح يقتنع ويطيح ف شباكها ماعاد يخرج من غرامها إلا بشيخ يقرأ عليه النخبه فقط تستوعب المشهد .والباقين فيكم البركه نخبه يعني عاشق بي ام دبليو
—————————————-
السوم واجد وصلت 16,500 من غير اللوحه من واحد بجده وكل المراكز متوفره عندهم يعني مايشيل هم ورشه الماني قلت خذها بلوحتها 20 ومصر ع المبلغ اللي سام فيه ورفضت
وصلت اقساط 30 الف شهري الف واعتذرت طريق الاقساط خربان دايم وطويل واللي يسأل او عنده استفسار اتمنى يكون بالعام واحسن من الخاص والكل يشوف ويختصر الاسئله عليه ويفهم البقيه ..
الموتر وعيونكم تشوف واللي قريب ويبغى يشوف ويجرب حلاله ومن حقه ويفحص بمكان يختاره لكن يعطي الموتر حقه وما نختلف سواء بلوحه ولا غيرها ..
: "اللَّهمَّ اكْفِني بحلالِكَ عَن حَرَامِكَ، وَاغْنِني بِفَضلِكَ عَمَّن
