2013 قير اوتماتيك بنزين الممشى: 300 ألف كيلو أو أكثر السلام عليكم ورحمة الله وبركاته ‏اسعد الله أوقاتكم بكل خير ، اعرض لكم اليوم هونداي النترا فل كامل 2013 الناغي . انا ثاني مالك من الوكالة . . . ‏الموتر مصين بالكامل مع الفواتير والمكينه والقير على الشرط لا تاخير ولا دقه ولا نقص الفضل لله👌🏻 ‏الموتر مجدد ومفحوص تنقله باسمك من جوالك وفحصها جديد ما كمل شهر . . . ‏مكينة وقير ومكيف ويرباق كلها شرط الحمد لله معاها مفتاحين الوكاله . عليها لوحه مرتبه باسم رنا ( تم بيع اللوحه رنا واللوحه اللي عليها الحين هي ر ب ن 2406 . المكينة تم استبدالها عام 2014 والموتر بعده جديد بسبب عيب مصنعي والمكينه الحاليه نظيفه وماهي مفكوكة على طبقة وكالتها ولا تشكوا من شي الفضل لله . . . . ‏المواصفات • مكينه كبيره • جنوط مقاس 17 • شمعات ليد فل كامل • قير اوتوماتيك • فتحة سقف • اضاءة ليد داخليه نفس اللكزس • دركسون جلد • نيكل اسفل الابواب • مثبت سرعه • تحكم بالدركسون • شاشه بحجم 12 انش • تدعم نظام ابل كار بلاي واندرويد اوتو • مايك لاستقبال المكالمات • تدعم رويه 360 ( تحتاج تظيف الكاميرات فقط وتشتغل معك لان الشاشه تدعم النظام . ماركبتها لانها غير متوفره فالمدينه المنورة ) • عداد الكتروني بدون نت ودقيق جدا • حساسات خلفيه • كاميرا خلفية بخطوط متحركه مع الدركسون • كشافات ضباب • اشارات بالمرايا • سنتر لوك • تكايه وسطيه اماميه وخلفيه • امكانيه طي المراتب الخلفيه لزيادة مساحة الشنطة • التحكم باضاءه النور الامامي • زيادة وخفض الاضاء الداخليه • بيت نظارة • ازالة الجليد او الضباب عن الزجاج . . . الموتر مايحتاج له شي . شغل وتوكل على الله الملاحظات : تم رش السيارة بالكامل تجديد لون مع العلم تم تعديل في الرفرف الايمن ورا مع الباب . وكذلك عدلت باب الشنطه لان فيه ضربه بسيطه من راعيها الاول 👌🏻وما اثرت على عملية الفتح والاغلاق ✅ ولكن صلحتها عشان وقفه الموتر تكون حلوه 👌🏻 . . . •الصيانه والاشياء اللي غيرتها بالسياره بشكل كامل : 💫 1 تبديل العكوس كامله يمين يسار 2 تجديد الفحص الدوري 3 صيانه شامله للفرامل 4 صوفه قير وماكينه شريتها بس ما ركبتها لان اكتشفت ان التنديه من الوقفه لان الموتر كان مخزن 3 سنوات والتنديه بسببها لان افحص زيت القير والمكينه بشكل مستمر والحمد لله مافيها نقص وانا مسؤول عن كلامي هذا ، عموماً الصوف شريتها وموجوده بالموتر لا قدره الله احتجت تغيرها فهي موجوده واصليه كذلك 5 تبديل موية رديتر 6 تبديل زيت القير لها 3 شهور الحين من بدلته 7 تبديل طقم كفرات جديده مع بلوف حديد 8 تبديل كشافات مع طقم اضاءة ال اي دي 9 تبديل شمعات الى فل كامل مع طقم اضاءة ال اي دي للواطي وهيلوجين للعالي كلها جديده 10 تجديد خياطة الدركسون نفس الوكاله بالضبط يعني رجعتها بعروقها 11 تركيب كاميرا خلفيه للامان زيادة على وجود الحساسات 12 تبديل عصايه النور مع انها شغاله بس فيها فضاوه غير مناسبه للاستخدام وغيرتها 13 تجديد رشة الصدامات اثر حكات بسيطه 14 اغطيه جنوط لان الشكل بدونها سيء جدا 15 تبديل الفرشات الارضيه لان السابقه صغيره ماهي لها 16 تركيب تجليد للابواب نفس الوكالة 17 تركيب اضاءه لكزس داخليه . . ان شاء الله اني ما اطلت عليكم ولكن لازم اذكر التفاصيل هذي إبراءً للذمه وذكر للمجهود اللي سعيت فيه وفقنا الله واياكم . . مبلغ الصيانه مع الاضافات اللي على الموتر 7332﷼ حدي 32 الف والصامل ما اقصر معاه والموتر يستاهل