شرح طريقة الشغل معنا من الصفر وبأسلوب بسيط عشان تكون الصورة واضحة من أول يوم. نحن عندنا مكتب وعندنا ترخيص التسويق العقاري فال ودورنا نكمل الصفقات العقارية والايجاريه بشكل نظامي ونحفظ حقوق الجميع. دورك أنت كمسوق: أنت تبدأ بالبحث عن: • أراضي للبيع • شقق أو فلل للبيع أو للإيجار عن طريق: • الاتصال على إعلانات حراج • التواصل مع ملاك مباشرين • علاقاتك الشخصية كيف تتواصل مع المالك؟ تكلمه بكل بساطة وتقول له إنك مسوق وعندك جهة مرخصة تتولى البيع بشكل نظامي + انك بتجيب له الزبون او بتجيب له طلبه لين عنده بمقابل 5٪ من الصفقه على البيع بالنسبه للأراضي والمنازل وبالنسبه للايجار تكون العموله 500 على المؤجر و 500 على الزبون بمعنى تقول للمؤجر انا بجيب لك زبون ولي حق السعي 500﷼ على كل زبون اذا هو عنده شقق وبالنسبه للزبون نحن نجيبه لك وناخذ عليه 500﷼ حق السعي . طيب ليش ما اشتغل لحالي وخلاص ؟ لأن ماعندك ترخيص ولأن ماتقدر تسوي عقد يضمن حقك من الطرفين المؤجر والمستأجر ونحن نقدر نسويه لك عن طريق الرخصه العاقريه اللي معنا ونقدر نسوي عقد ايجار برضه . بعد ما تتفق مبدئيًا مع المالك: 1 ترسل لنا بيانات العقار في مذكره كالتالي الموقع: السعر : نوع العقار : قابلية التفاوض: رقم صاحب العقار: (اسمك) عشان مانضيع حق تعبك 2 نحن نتواصل مع المالك مباشرة نثبت العلاقة ونشرح له آلية العمل النظامية ونوثقه بالعقد ونتأكد من جديته 3 يبدأ التسويق بشكل رسمي إعلانات – عملاء – معاينات- معارف ومكاتب نعرفهم إذا جبت عميل جاهز: • تدخلنا بالمحادثة • أو ترسل بيانات العميل ونحن نكمل الترتيب والمعاينة والتفاوض والتفاصيل اللي هو يبغاها وش نسويه نحن؟ • ننظم العلاقة مع المالك والعميل • ندير التفاوض • ونتمم الصفقة عبر منصة فال • ونضمن صرف عمولتك بعد الإتمام طبعاً كل هذا بيكون: • بدون رسوم • بدون اشتراك • شغلك كله جلب (عقار أو عميل) • العمولة تُستلم بعد الصفقة فقط ليش الطريقة هذي ممتازة؟ • أنت تركز على الاتصال وبناء العلاقات • ما تتحمل أي مسؤولية نظامية • كل شغلك مضمون تحت مظلة رسمي ونظام واضح