فتك 2008 قير اوتماتيك بنزين الممشى: 1 ألف كيلو  دبل بسم الله والحمدلله والصلاة والسلام على رسول الله للبيع جيب نيسان باترول سفاري فتك مديل 2008 مكينة 4800 الموقع: المجمعة الموتر طيب راسي ومتماسك ونشيط وسلس ومتعوب عليه ولله الحمد وعلى الفحص. …. استخدامي له قليل واستخدام حشمه من يوم شريته من 4 سنين. انا متقاعد واستخدمه في الديره ونادر جداً يطلع للبر. لان عندي غيره سيارتين جيوب للبر والديرة واكثر من نص وقته تقريباً عندي واقف. ….. لوحة مميزة ( أ هـ ك 8808 ) تقرأ من اليمين واليسار نفس الشئ ( ثمانية ثمانين ثمانية ) …… بابين اللون ذهبي والداخلي بيج قير تماتيك دبل ثلاجة مكيفين امامي وخلفي قزاز تماتيك تانكيين بانزين المسافة المقطوعة الى تاريخ اليوم 540 ألف وكسور ….. له معي 4 سنوات تقريباً شيكت عليه من اول ما شريته وسويت صيانة شبه كاملة قطع واصلاحات واحتياجات بحوالي 37 ألف - من غير قيمة مشتراه طبعاً - ومن ضمنها قير 2016 شبه جديد ما مشى إلا 70 ألف ( ومسجل اغلب هذه الاصلاحات تجدون صور لبعضها هنا ) ….. غسلته اول ما شريته غسيل كامل لمدة ثلاث ايام مشيولة المراتب والفرش كله ومغسول وكذلك الحديد الارضية وكل شي وملمع ….. تبهيت واضح بالتندة والكبوت وخفيف في بعض الصدام والرفارف …. طقة وطعجة في الكبوت بسبب حجر من الفلة طاح عليه وقت الامطار …. المكينة تنقص زيت علبة كل شهر ونص تقريباً من يوم شريته ولا ضرته ولله الحمد اموره تمام والمكينة تمام …. تشغيل وصوت الموتر صافي وطيب ومريح جداً وسلس مع الخط وفي الديرة ونفسه خفيفة ومشدود ومتماسك. ….. عداد البانزين الامبير اللي في الطبلون من يوم شريته لا يعمل يحتاج تصليح ولا فضيت له … الحرارة جداً ممتاااازة لا ترتفع ولله الحمد …. الكفرات اربع دنلوب ياباني اصلي لكنها اصبحت قديمة الان مركبها جدد اول ما شريته اظن تاريخها 2021 ….. بدي الموتر على كلام اللي شريته منه انه وكاله ولكن بحثت بموجز هكالحين لقيت انه فيه دقشة - مع احد مالكيه السابقين اللي قبل اللي شريته منه - في زاوية الصدام من وراء اظن اليمين ومصلحها اللي كانت معه ومغير اصطب أما معي من اخذته ما جاه اي رش …. الاستمارة باقي فيها سنتين ونص تقريباً والتأمين 8 شهور ( ساريات المفعول ) والفحص قبل حوالي سنة ونص واللي بيشريه ياخذه مفحوص جاهز في حينه باذن الله. …. البيع على السوم ….. ولمزيد من التفاصيل والصور ضع جوالك الواتس في بريد حراج للتواصل معك