نيسان باترول ربع 1991 قير عادي بنزين الممشى: 300 ألف كيلو  دبل بسم الله الرحمن الرحيم . اعرض لكم باترول 1991 GL مرهم مكينة لكزس 400 كمبيوتر بلد التجليس ماني متاكد شغل من بالضبط لكن ممتاز جداً وفوق الممتاز وتم التشيك عليه عند كراج الحرابي بالكامل واموره طيبه الحمدلله . النقل يكون عن طريق معقب وعندي معقب ينجز الامور الفحص منتهي الاستماره جديده باقي فيها فوق سنتين . البدي مرشوش بالكامل ورشته حوله متوسطه ولكن نتفق مع المشتري اذا جاب الموتر حقه نرشه له على حسابي الخاص بشرط يعطي الموتر حقه او ياخذه بحالته مافيه خلاف . التعديلات الي على الموتر والاضافات والصيانات بشكل عام : 1-مكينه لكزس 400 مشروطه وتوي مغير جميع صوفها عند كراج الحرابي (صوف تيمن وصوفة صدر وغطيان بلوف وربلات كويلات وصوفة مكينه خلفيه) - 2-تم تغير فحمات امامي مع خرط الهوبات - 3-تم تغير جميع صوف الدفرنس الامامي وتغير الزيت وتغير الرمانات - 4-تم تغير كلتش فتك 4800 عند كراج الحرابي مع حذاف vx.r وفحمة كلتش جديده وعلبة كلتش علويه وسفليه - 5-يوجد تمديد انارات جانبيه يمين ويسار وخلفيه وبعض الافياش لشحن الجوال بالداخل وانارات داخل الكبوت - 7-تم تركيب 4 جنوط سنبوسه رشتها جديده وموجود الغطيان عدد اربع - 8-تم تركيب اربع كفرات كندا نقشة دنلوب مميزاته اخف من الدنلوب ومديل الكفرات 2025 - 9-تم تركيب مراوح سوبارو مع حساس حراره على الكوع والحراره شرط - 10-تم تركيب تدبيل مساعدات اماميه نوع مرسيدس للثبات - 11-مكيف السياره شغال ومشروط وبارد جداً صيف او شتاء - 12-يوجد مع السياره المرتبه الخلفيه في المنزل + قرون الصدام الامامي جديده ومقابض الابواب الداخليه جديده وصدام امامي جديد نيكل وبعض القطع البسيطه - 13-تم تركيب فلتر kn اصلي جديد - 14-الموتر عليه كت باك 3 انش مع الواي ودبه اعتقد يوكن من صاحبه الاول كاتمه وصوتها غير مزعج ابداً ومناسبه للموتر - 15-تصفيه كامله للموتر وتغير صفاية البنزين وتنظيف البخاخات والثلاجة والثروتل - 16-بواجي اصلي لكزس جديده - 17-تغير جميع صوف الدبل والقير وتغير جميع زيوت الدفرنسات والقير والدبل كلفت لحالها حدود 3000 وشوي دون شغل اليد - 18- تم تغير سلف اصلي مستورد ودقمة تشغيل جديده . كل الشغل الي على الموتر ماكمل شهرين بالضبط وكل القطع جديده واصليه في المكنيك ودافع في الموتر فوق 10 الاف صيانه وقطع . يوجد ملاحضات بسيطه: 1-الموتر يحتاج تربيط ومعروف بالنيسان هالشي 2-مروحة المكيف الداخليه فيها صوت خفيف يجي ويروح ابراء للذمه 3-القير فيه قره بال 3 مع التسارع السريع وطبيعي ومعروف بالترهيم ولا ياثر على اي شيء 4-صوت طقطقه من جنزير الدبل ومعروف بالباترول وشغال الدبل ماعليه خلاف 5-الصدام الخلفي يحتاج تغير او تعديل 6-القزاز الخلفي يمين يحتاج تركيب صحيح او تغير الربله افضل 7-يحتاج تنجيد بعض قطع الداخليه والفرشه 8-يحتاج ترصيص ارضي بعد تركيب الكفرات ما امداني ارصصه . اشرط في الموتر : 1-المكينه مشروطه لاتبخير ولا تنقيص ولا اصوات ولله الحمد 2-القير جميع تعشيقاته سليمه ولا يفلت باي نمره 3-الشاصي مشروط من الضربات او القص او الحوادث الباقي فحص على النظر والصامل مانختلف معه . بالاختصار الموتر مصين جاهز ويحتاج بعض اللمسات الخفيفه وبعض الوقت فقط والموتر نشيط وادائه ممتاز وماعليه خلاف والله يبارك للشراي . البيع على السوم والسياره جتها سومات ولكن نعتمد الي يوقف على الموتر ويشوفه . السوم من 20 وفوق اختصار لوقت الجميع