السلام عليكم ورحمة الله وبركاته رمضان عليكم مبارك يا عرب وكل عام وأنتم بخير ما شاء الله تبارك الله ولا قوة إلا بالله ابو تركي جاكم بمعزاه وتيوسه اللي تجمله وتجملك ولانكم كفو بنصنع المستحيل وبنتعب وبنخسر اللي بالصور عينة من الحلال اللي عندي والمراح ممتاز بكل ما يحويه لا من معزى دافع او وليد او جمد او تيوس لبانيات او تيوس مشروع فحوله الحمد لله والشكر لله يبارك لنا ولكم في مالنا وعيالنا ويوفقنا لشكره بفعل الطاعات واجتناب المحرمات . وكل تعبنا ذا معكم عشان نقولك تعال اشتري لك يا أحمر العين شي تاخذه وانت مبسوط وفارق ومميز وحلو حلو حلو العجيب ان لي لقب معروف بسوق الخرج والرياض والحفر مسميني كل الي بالسوق (( زبون المخاسير - الساطي - حفيد مخضبين البواتير - راعي زعفرانه وشيهانه وحاطوبه - الطابوق - الفارق - والقاب واجد )) بفضل الله وتيسيره انتج بمراحي معزى بلدي مشاريك على فحول هولندية ونضمن روعة الإنتاج وجمال الألوان ومقاس الأجرام متاومات وفردية ودافع وجمد وحايل حايل والا القصيم 😂😂😂🤍🤍🤍 وتيوس لبانية لحمها موز لذيذ الحمد لله ولا نيب اجلب عليها شي من السوق كليا حلال طيب ويعجب عيون الخوي الموالي والرفيق ابو فكر عالي واللي قربه محالي همي همي همي وااااو 😋😋😋😋😋 ثلاجتك فاضية وتبي لحم تيس بلدي مشروك ومبروك ولحمه زي مواصفات لحم فقار البعير ترى موجود ومع ابو تركي بخليك مبسوط ويطلع لك كرش يبو كرش أسعار المنتجات التيوس اللباني الواحد من 1500 ريال المعزى دافع تامات من 3000 ريال صافي الوحدة الوليد من 4000 ريال وطالع للوحدة اللي معها 1 او 2 تامات مكاني بقلبك يبو قلب 🤍❤ وموقع مراحي بالخرج ديار بني مدري وأنا مدري وبكرة بتدري اني ادري وترى قلبكم يا زبايني بصدري وبعنا مع كبار البخوت وشرينا :؛ مشرى عجب عين العايل اليا عال واليا تسوّقنا نحاسب بيدينا:؛؛ واليا عطينا نعطي الكنز والمال ابوي علمني اليا من سرينا :؛ نسند ركاب النوق يمين الجال يشهد علي الله انّا حمينا :؛ تاريخ جدان واعمام واخوال تبغى تشوف البيع اليا وطينا :؛ كل الاراضي بمختلف كل الأحوال اقدم وتاخذ جوخ واركاب وعرينا ؛: ونطيبك بالمسك والعود وازلال وسلامتكم جوالي ( رقم الجوال يظهر عند الضغط على زر تواصل ) كسب الرجال هو الهدف الأسمى في كل شي من أمور الدنيا والمال ويروح ويجي وكل عام وأنتم بخير .