السلام عليكم
عندي جهاز نقش بالليزر من شركة موريليان (Atomstack A5 Pro) بمساحة عمل 40 * 41 سم و 40 واط، شريته من شهر بالضبط. الجهاز نظيف جداً وما استخدمته إلا مرة أو مرتين بس للتجربة، ومركب جاهز يعني استلم وابدأ شغلك على طول.
ليش ببيعه؟ (بكل أمانة):
كنت أحسبه يشتغل على الآيباد وطلع لازم سلك ويشبك على الكمبيوتر، وأنا جهازي الكمبيوتر قديم ويعلق وما ساعدني أثبت عليه البرنامج. البرنامج حقه يشترى مرة واحدة بالعمر وسعره فيه، بس ميزانيتي حالياً ما تسمح لي أشترك فيه وأنا أصلاً ما قدرت أستغله بسبب جهازي.
تجربتي الشخصية والأفكار اللي تقدر تسويها:
الجهاز والله نتيجته مبهرة! جربت أنقش فيه على عود موروكي وطلع يجنن، وجربت أنقش على قزازة عطر سوداء وفعلًا نقش وللحين ثابتة ما تغيرت! يعني تقدرون تبدعون فيه وتسوون عطورات بالأسماء وتبيعونها عيديات وهدايا، أو ميداليات وعلاقات ملابس خشبية.. الأفكار كثيرة والرزق فيه واسع بإذن الله.
وش يجي معه؟
نظارات حماية من الليزر + أسلاك التوصيل كاملة.
قطع خشب وأكريليك للتجربة (استخدمت خشبة وباقي ثنتين جديدة).
هدية من عندي: أوراق الليزر السوداء، توها واصلتني أمس وشريتها مخصوص عشان أجربها بس خلصت علي الفترة المجانية للبرنامج وما قدرت أستخدمها، فقلت تروح نصيب المشتري يستفيد منها.
السعر والتوصيل:
حدي فيه 850 ريال (شامل سعر التوصيل لكل مدن المملكة).
اللي بيزود من عنده فذا من كرمه والله يبارك لنا وله.
الجهاز والله الود ودي أستفيد منه بس "الخير فيما اختاره الله"، والجهاز سليم تماماً ولا فيه أي عيب. اللي عنده استفسار يتفضل، والرجاء عدم تضييع الوقت ولا يجي إلا الصامل
