نيسان باترول سفاري 1997
قير عادي
بنزين
الممشى: 292 ألف كيلو
دبل
السلام عليكم ورحمة الله وبركاته
شف المواصفات مظبوط الموتر متعوب عليه بشكل لايوصف
الله يحييك
الجيب سفاري مشترى حكومي بلد وشريته بلد ثالث مستخدم واستخدمته بمكينة البلد كربريتر ماشيه 270 الف مشيته الين 290 وركبت عليه مكينة فتك عند العبيدان بالرياض وكهرب كراج الجديعي بسدير وبرمجة الخضير KPG ببريده.
المكينة موديلها 2016 ممشاها قليل ولا يحضرني الرقم.
خراطيش المويه كامله جديده ومكيفات خلفي وامامي سليمه والثلاجه الخلفيه موجوده وسليمه وشغاله. وعليه مراوح كهرب سبال ثنتين تيربو سرعتين.
عليه كمبيوتر هالتك
برمجة قاطع واحد بدون الباقي والموتر سليم وجايب رقم ممتاز.
القزاز كهرب ومصين عند الجديعي ومغير لوحده دينموا جديد.
الموتر عليه تعليق كامل ورفعه 7 سانتي خلفي و5 امامي يايات الرمايه. مساعدات اماميه من دوبنسون وخلفيه من ARB.
ايضاً عليه مساعد دركسون رياضي بروفندر.
مسامير توازن خلفيه من دوبنسون.
ومغير له بنهارد وذراع توازن رياضي من التعليق الصحراوي.
بومب ستوب جديد وربلات لليايات ايضا جديده ورياضيه.
الموتر مجهز للبر بشكل كامل يحتوي على
1- تانكي مويه الومنيوم وجديد شغل موسمين فقط
2- منظومة كهرباء ليثيوم متكامله من الثواب ( بطارية 150 امبير ومنظم 2000 تجهيز المركبه) لوحة تحكم كامله وساعة لتانكي الموية مع انارات دار مادار وتحت عند بزابيز المويه.
3- طبق كامل معلق مثبت على قواعد الوكاله على درفتين (سهل الفك والتركيب)
4- طاوله مثبته على الباب للخدمات
5- تلبيسه للشنطه كامله PVC وضد المويه.
6- سحاب ثلاجه تكفي ل 35 لتر.
7- تجهيز كنود وقاعدتين اريل وسلكين.
الموتر معزول عزل كامل استرالي بشرط الصوت والحراره وتماسك الديكورات وشرط النظافه الداخليه
الجهه الاماميه عند القير مركب له قواعد لغلاية تنزا وديمر جاهز للقهوه والشاهي مع قواعد كاسات.
مرتبة الرديف مغيره لمرتبة سوناتا لوجود ثلاجه بالمتتصف راكبه وجاهزه 20 لتر.
واغراضه الوكاله كلها موجوده.
اللي له شف بالموتر يكلمني واتساب وياخذ التفاصيل اللي يبي وحاضرين( اعتذر لعدم الرد بشكل سريع لكثرة المشاغل واترك رسالتك وباذن الله اني برد عليك)
لاااااااا احد يسوم بالخاص ولا راح ارد باي سومه خارج الموقع.
لاااااااا يوجد حد نهائياً ولو احده السعر ماهو منطقي.
الموتر على الشرط والضمان لاي عطل لمدة شهر وعلى مسؤليتي الكامله.
الوقفه تدمره وادور شاري مستخدم ولا ادور اعادة بيع واذا ماجاب سعره مكانه محفوظ ولا يحتاج له بيعه.
اللي بيشتري بصينه له قبل لا يستلم بشكل كامل عشان الذمه وارتياح الضمير.
وفقنا واياكم وكل مسلم.
