مرسيدس CLS 2017 قير اوتماتيك بنزين الممشى: 142 ألف كيلو السلام عليكم ورحمة الله وبركاته بسم الله والصلاة والسلام على رسول الله اعرض لكم موتري مرسيدس CLS 63 موديل 2017 اعلى فئة واخر موديل في هذا الشكل السيارة ما شاء الله تبارك الله تحفه اذكروا الله يا جماعة الخير السيارة تجي v8 biturbo 5.5 لتر 585 حصان طيارة متحركة السيارة ما جاها تعديل في المكينه داخلية السيارة احمر كما هو في الصور بحالة جيدة جدا السيارة لوحاتها اماراتية دبي من ناحية اللوحات اذا معك بطاقة هوية مقيم اماراتية يمديك تنقلها باسمك وتستخدمها في السعودية وتجيك في ابشر او تصدر البطاقة عن طريق مكتب وتكلفتها من 2000 الى 2500 درهم .. وتجديد الاستمارة اون لاين او عن طريق مكتب وانت في السعودية … واللي يبغى الطريقة يتواصل بالواتس واعطيه المعلومات بشكل اوضح . انا من ناحيتي استخدمتها في الرياض اكثر من سنتين ولا واجهت اي مشاكل ولله الحمد. بس الان فيه قرارات جديدة بخصوص اللوحات الاجنبية .. اتمنى منكم قرائتها قبل ما تقرر. طبعا السيارة ما شاء الله تصلح للي بيستمتع او يخزنها ويحتفظ فيها اخر موديل في فئتها وانقطعت .. وما شاء الله رزة ويجذب الانتباه في كل مكان السيارة معي من فوق السنتين وما شاء الله اعتمادية واستخدامي لها يعتبر خفيف بحكم ان عندي سيارة ثانية بس قد سافرت عليها الموتر ما شاء الله ما عليه غبار فيها ملاحظات في البدي الجانب الايسر مرشوش اثر صدمة موب قوية .. والصرة جايها شعر اثناء تغيير الزيت شد عليها وانشعرت وشنطة السيارة تتقفل يدوي بالاضافة الى مرتبة السواق ثابته وما تتحرك بالكهرب .. الباقي ان شاء الله اموره عال العال السيارة موقفه في البايكة وما تتحرك الا قليل ممشى السيارة : 142 الف من ناحية المواصفات السيارة فل المواصفات: مساج رادار تحديد مسار ابل كار بلاي كاميرا 360 تبريد وتسخين نقاط عمياء انارة ذكية مراتب خلفية منفصلة انارات ترحيبية ستارة خلفية دخول ذكي تشغيل ذكي وجميع المواصفات المعروفة في المرسيدس الموتر يطررب صوت الوكالة وطررب ما شاء الله السيارة مفحوصة في السعودية ومفحوصة ايضا في الوكالة والملاحظات جدا بسيطة وتذكر للصامل يتواصل واتس اب المكينة والقير والدفرنس ما شاء الله سليمة ولا قد انفكت الزيت والسيفون اغيرهم قبل موعدهم واعبي لها زيت رياضي مع تغيير الفلاتر بشكل دوري اترككم مع الصور لا تنسون ذكر الله التواصل عن طريق الواتس اب لا هنتوا البيع مستعجل لاعلى سوم واتمنى الجدية وتذكروا قول الله تعالى ( ولا تبخسوا الناس اشياءهم ولا تعثوا في الارض مفسدين)