قطع غيار وملحقات خدمات فحص السيارات كثير من أصحاب التاهو واليوكن (موديلات 2007 - 2014) يشتكون من أعطال غريبة، تفتفة، أو رسايل خطأ تظهر وتختفي.. والسبب مو دايم "حساس"، السبب غالباً في "تيبس ضفيرة المكينة والجير". العمل اللي تم في هذا الموتر: 1 التشخيص الدقيق: فكينا الضفيرة بالكامل وفحصنا الأسلاك سلك سلك، وتخلصنا من الأسلاك اليابسة اللي فقدت توصيلها بسبب حرارة المكينة. 2 الاستبدال بمواصفات الوكالة: استبدلنا كل سلك متضرر أو محروق بأسلاك جديدة تطابق مقاييس المصنع (Gauge) لضمان استقرار فولتية الحساسات والكمبيوتر. 3 درع العزل الحراري (Heat Shield): بدل العزل العادي اللي ينشف ويتكسر، غلفنا الضفيرة بعازل حراري متخصص يتحمل درجات الحرارة العالية، عشان نضمن للعميل عمر طويل للضفيرة ووداعاً للالتماسات. النتيجة: موتر صافي، كهرباء مستقرة، وحماية كاملة للكمبيوتر (PCM) من أي "شورت" مفاجئ. 📍 تجديد الضفيرة مو مجرد "ترقيع"، هو إعادة بناء بمواد أقوى من شد البلد لتناسب جونا.