لكزس LX 2017
جيب لكزس انا ثاني مالك من الوكاله ماشي 140 الف فقط شبة مخزن صافي ماشاء الله لا سافي لا عج جميع قزازته وكاله حتى الفتحه واغلب قراطيس وكالته عليه كتالوجاته ومفاتيحة موجوده سعودي فل الفل سبورت رادار نقط عمياء تشغيل عن بعد تيتانيوم من داخل بيج تخشيبة غامقة الموتر مشروط بدي ومحركات وخالي من العيوب تماماً
..
الموديل 2017 معدل 2021 عند مركز السبيعي بالرياض بضمان 5 سنوات لكل شي تم تغييره والفواتير موجودة وتم التعديل قبل 4 شهور تقريباً بمبلغ( 8600 ريال )يشمل :
1/ كت امامي وشبك امامي
2/ كت خلفي
3/ لمبة ريوس خلفي
4/ اغطية مرايات
5/تكحيل ازياق الابواب
6/ تكحيل الجنوط
7/ تبديل زر البصمة
8/ تبديل دواسات البنزين والفرامل اكرمكم الله
..تم صيانته بالبازعي بالرياض بمبلغ (8500 ريال) قبل 4 شهور واي شي فيه نص عمر غيرته وكل الفواتير موجودة يشمل زيت الهيدروليك وفحمات وخرط هوبات ومساعدات غيرتها وزيت قير غيرته وغسيل مكينة من داخل وتصفية مكينة وتنظيف ثلاجة المكينة وفلتر البنزين وفلتر المكينة وفلتر المكيف واشياء كثيره بالفاتوره بتطول لو ذكرتها وكل شي مذكور بالفواتير للصامل ، وما مشيت على كل هالتغيرات الا مايقارب 10 الاف كيلو
..عليه طقم كفرات 4 دنلوب بن زقر 2025 من 3 شهور مركبها مع وزن الاذرعه والمقصات
كلفت (5284 ريال) والفواتير والضمانات موجوده
..عليه حمايات من محل NMBright قبل 4 شهور وعليها ضمان 10 سنوات وكلفت كلها ( 5800ريال) وجهيه كامله ppf ضمان 10 سنوات والفواتير موجوده رفرفين وكبوت واركان وقدام الفتحه واطراف الابواب وعلى غطا البنزين وعلى البدي كامل نانو سراميك عليه ، ايضاً حمايات داخليه على الشاشات كامله وتضليل عازل 0.0 بنسبة 90٪ حتى الفتحه عليها العازل
..عليه داش كام قبل شهرين من شركة Depp fly DX 11 امامي وخلفي عليها ضمان 3 سنوات كوريه وواضحه ومرتبطه بالجوال وتشتغل حتى والسياره طافية فاتورتها موجودة بسعر ( 1250 )
..قبل اسبوع غيرت له بطارية ريد باور (ب395 ريال )
110 امبير وفاتورتها موجودة .
..فقط فيه تعديل على البارد بدون فك اي شي ومايجي قد الاصبع حتى وعندي صوره قبل التعديل في الرفرف الامامي يمين تحت عند الكفر بدون نقطة بوية تعديل صغير جداً ولا يبين وذكرته للامانه والا الموتر مشروططط
..يا جماعة الموتر خالي من العيوب وجميع انظمته شغاله 100٪ وفاحصه بالوكاله حتى قطع استهلاكية مايحتاج وكل الشغل اللي اشتغلت عليه معي فواتيره وضماناته الموتر ماشاء الله جاهز ومشتغل عليه شغل شخصي يشهد الله ولا يحتاج ريال
..
..السوم وصل 257 الف والله على ما اقول شهيد من شخص امس شاف الموتر وساقه وفحصه والحد قريب باذن الله للصامل
..الموقع الخبر الموتر واقف بالبايكه شف الموتر وان ربي كتب اختر اي محل فحص
