جي ام سي يوكن 2006 قير اوتماتيك بنزين الممشى: 300 ألف كيلو أو أكثر  دبل الموتر بإختصار يبغى له نفض بدي وعضلات، المكينة لابأس بها يمشي ويروح ويجي واستخدام يومي ولكن ماشية فوق 620 ألف ومن الوكالة ما انفكت، لذلك أدائها ضعف شوي، ولكن بشكل عام جيدة، القير ممتاز مغيره من سنتين تقريباً مستورد، الدبل شغال وممتاز ولكن إذا شغلته يطلع بعض الأصوات وماشي، العضلات والله يبغى له نفض، البدي فيه الجنب الأيسر من الأمام للخلف حكة كاملة بسبب الله يرمكم برميل الزبالة الكبير أبو حديدة طالعة، الباقي حكات متفرقة، ماجاه حوادث قوية، يعطي إنه الإيرباق طالع لكن ماطلع والسبب اعتقد من الأفياش اللي في المقاعد بسبب التلميع والله أعلم، الموتر مكروف كرف وفي ذمتي إنه قد الكرف، اعتقد لو غيره ماتحمل كل ذا الكرف، ما أرحمه مررة، ولكن أكرمه في تغيير زيوته بإستمرار، الفحص منتهي والإستمارة منتهية، الموتر لو انشد وتركبت له مكينة أقوى والله يحرث الأرض حرث ماشاء الله عزمه قوي جداً، كيف لو انشد!؟ الموتر من الوكالة مخبور، المالك الأول والثاني عيال عمي، وأنا المالك الثالث، باقي كتالوجاته والسماعة والطفاية كلها موجودة، طبعاً سعودي فل كامل، مراتب تبريد وشغالة، وكل شي فيه شغال، الطبلون ولا لمبة شغالة ماشاء الله… المكيف ماشاء الله فريزر، الكفرات تقريباً لها 4 شهور باقي شبه جديدة، غيرها تعال شوف بعينك ما أضمن حديد… وبصراحة والله إني متردد في البيع وفي خاطري أجدده كامل وأجهزه للبر، لكن على حسب نشوف كم يوصل، والله يكتب الخير للجميع… الصامل يجي يشوف الموتر على الطبيعة ويجرب ولو بغى يفحص من حقه، للتواصل اضغط على زر تواصل…