لأن أغلب اللي يجوني يدخلون وهم متأكدين إنهم محتاجين إعلانات أكثر، أو محتاجين “مسوّق يشد الحملات”، بس لما أبدأ أشوف الوضع من جوّه يتبين إن المشكلة أقدم من كذا بكثير، المشروع من الأساس ما فيه شي واضح يمشي عليه، لا في طريقة عرض، ولا في كيف العميل يفهم القيمة، ولا حتى في ليه يختارهم هم بالذات، فاللي يصير إنهم يدفعون عشان يجيبون ناس، وبعدين يستغربون ليه الناس هذي ما تتحول، مع إن فعليًا مافي شي يخليها تتحول من البداية أنا ما أشتغل إني أشغّل لك إعلان وخلاص، أنا أدخل أشوف وين ينكسر القرار عند العميل، هل هو دخل وما فهم؟ ولا فهم بس ما اقتنع؟ ولا اقتنع بس ما حس بالأمان يكمل؟ لأن كل وحدة من هذي لها سبب مختلف تمامًا، ولها حل مختلف، ومشكلة كثير من المشاريع إنها تعالج كل شي بنفس الطريقة، فتتعب بدون نتيجة واضحة لو أنت صاحب متجر، غالبًا أنت شايف المشكلة إنها “مافي طلبات”، بس الواقع إن فيه ناس توصل لك فعلًا، بس ما تلقى سبب يخليها تكمل، يمكن صفحتك تعرض المنتج بس ما تبيعه، يمكن العرض نفسه مو واضح، يمكن العميل حاس إنه لازم يفكر زيادة قبل ما يقرر، وهنا هو يطلع، مو لأنه ما يبغى، بس لأنه ما وصل لنقطة يقفل فيها ولو أنت شركة، غالبًا تقول “عندي Leads بس ما تقفل”، وهنا المشكلة ما تكون في البيع نفسه، المشكلة تبدأ من أول خطوة، من نوع الناس اللي قاعد تجذبهم، هل هم فعلًا مناسبين لك؟ ولا بس مهتمين؟ لأن فيه فرق كبير بين واحد يسأل وبين واحد ناوي يشتري، وكثير شركات تخلط بينهم وتتعب وهي تحاول تقفل مع ناس من الأساس مو مفروض يكونون عندها أنا شغلي كله يتمحور حول النقطة هذي، إني أحدد لك وين الخلل الحقيقي قبل ما نفكر في أي خطوة ثانية، مو كل مشروع يحتاج إعلان، ومو كل مشروع ينفع معه نفس الحل، وإذا ما فهمت المشكلة صح من البداية، أي شي بعد كذا بيكون مجرد تجربة ممكن تنجح وممكن لا لو حاب تفهم وضعك بشكل أوضح، بدون لف ودوران، قل لي وش مشروعك، وبقولك من البداية وين غالبًا قاعد يضيع منك البيع