استاندر 2019 قير اوتماتيك بنزين الممشى: 300 ألف كيلو أو أكثر كيا كادينزا 2019 اللون اسود ممشاه حدود 370 قير مكينه شرط باذن الله اغير الزيت بشكل دوري واخر تغييره لزيت القير والمكينه تاريخ 10-11 من فضل الله مالاحظت في السياره اي مشكله وزيت المكينه مايتجاوز 4000 ويعلم الله اني مابعتها الا محدود ولا الموتر ما يشتكي من شيء وبالعكس موتر فخم جداً ومريح فوق ماتتوقع واكياس الوكاله باقي موجوده على المراتب وكتيبات السياره الموتر استخدام يومي بحكم ان مامعي الا هو السياره باذن الله شرط من الصدوم فيها فقط باب الشنطه غيرته عشان صدمه صغيره لانهم قالولي سمكره ورش ولقيت باب شنطه في التشليح فركبته افضل من السمكره الاصطبات حقت الوكاله والصدامات حتى وفيه طعجه صغيره جداً في الرفرف الايسر الامامي ماعدلتها وتروح بالشفط بس مافضيت والرفرف الخلفي يمين سويت له شفط بدون رش وبدون سمكره وفيه تبهيت بسيط جداً في البويه بحكم الموديل وماعندي كراج وبارسل الصور للمشتري السياره بسم الله ماشاء الله مايعيبها شيء فيه بعض الاشياء البسيطه بحكم الاستخدام مثل حكات صغيره وبعض الامور الي ماتذكر بتذكر للصامل ، السياره عرضتها قبل فتره وجلست يومين وحذفت الاعلان يعلم الله احسرتني لانها نظيفه جداً وللمشتري حق الفحص باذن الله *طبعاً مميزات موديل 2019-2020 عن الموديلات الي قبل المراتب الاماميه تجي كلها كهرب والاناره الداخليه ليد والشاشه كبيره مو مثل الموديلات الي قبل ،والموتر حالياً في محل نانو وبيطلع بكره باذن الله ان انباعت ولا استخدمتها السياره ماسيمت وعلى السوم والافضل التواصل على الواتس لقله دخولي الموقع والله يبارك لنا جميعاً