نيسان باترول سوبر سفاري 1993 قير عادي بنزين الممشى: 300 ألف كيلو أو أكثر  دبل قبل كل شيء الرجاء ثم الرجاء لا يسوم ولا يتواصل إلا شخص جاد ويبحث عن باترول . وعندي شرط للي يبي يشتري الموتر . لابد من معاينة السيارة على الطبيعة . موقع السيارة / القصيم بريدة حي النهضة جنوب شركة الهزاز الدولية . غرب طريق عثمان بن عفان . بيتي مقابل لــ : مسجد سعد بن عبادة . شارع الإمتياز مواصفات السيارة : باترول صالون لونين موديل 93 نظيف إستمارة جديدة لغاية 1450/1/17 فحص جديد لغاية 1448/7/2 الباترول تحت إستخدامي الشخصي معي له 11 سنة وأتفقده وأشتغل فيه بيدي أنا مكينة نظيفة جداً ولا تعرف الحرارة نهائيا ولله الحمد . ولاحظت بعد قطع مسافات أكثر من 3000 كلم ينقص الزيت تقريبا من ربع علبة لغاية نصف علبة فقط قير عادي نظيف دبلات شغالة خفيف وثقيل علية فرارات يمين ويسار دفرنسات ما شاء الله مكيف شغال وباااارد ومن يوم شريت السيارة والمكيف مع التشغيل فيه صوت خفيف لكن ما يأثر وبغيت أغير الكومبرسر ونصحوني ما أغيره طالما إنه يبرد ولا تغير تبريده خلال هالسنوات بطن الموتر نظيف البودي بحكم الموديل واللون فيه تلقيطات بوية على أصول وقفة الموتر ممتازة ولا فيه لا حنة ولا ونة ولا رجة نهائياً داخلية الغمارة ممتازة جداً مراتب مخمل شد بلد قزاز كهرباء شغال كل الأبواب مركب عليه شاشة مراوح كهرباء مركبهن عند ورشة بدر التويجري ببريدة من أول ما شريت الموتر وبحالة ممتازة تانكي بانزين كبير حوالي 140 لتر أول ما شريت الموتر ركبت التانكي الكبير عند الورشة المتخصصة بتركيب التوانك الكبيرة بالمجمعة البليتين ملغيه ومركب مكانه قطعة تحويل الى الكتروني الكفرات جدد مغيرهن أنا قبل حوالي 6 أشهر قبل شهر غيرت دينمو الكهرباء ياباني الدينمو القديم الكبير الممتاز . وغيرت طقم سيور أصلي الموتر باستخدامي الشخصي ومحافظ علية علية 3 لمبات ليد لمبة ليد جانبية فوق الكفر الخلفي جهة السائق لمبة ليد فوق الأبواب الخلفية لمبة ليد تحت الصدام الخلفي ملاحظة : سبب بيع الموتر . تعرضت رجلي لإصابة خفيفة . وأصبحت مضطر لقيادة سيارة قير أتوماتيك