تويوتا ليمتيد 2012 قير اوتماتيك بنزين الممشى: 247 ألف كيلو اذكرو الله وصلو على النبي ماشاءالله تبارك الرحمن للبيع افلون موديل 2012 سعودي لمتد فل كامل الممشى 247 الف الموتر يشهد الله شاريه قبل اسبوعين من شخص الله يوفقه وين ماراح ويمكن يشوف اعلاني الان موتره الخاص ولا باعه الا عشان عمارته وكل التشيكات معه ومفحوص فحص كامل وموجز كل شي واضح وثبت من ناحية الممشى واوراقها بالدرج التشيكات من والى بالكامل بالدرج ويعلم الله سبب بيعي الموتر مايصلح للعايله الكبيره سافرت عليها مره ماتصلح ابد للعايله الكبيره ونا انصح نصيحه لوجه الله الي عنده عايله كبيره ماتصلحله السياره وكنت بوقتها مامعي فلوس اشتري جيب ولكن الان الحمدلله توفر المبلغ قلت ابيعها واكمل المبلغ واشتري جيب نظيف او جمس قصير وسعره مناسب السياره حق رجال وزوجته وطفلين بالكثير السياره شرط من الصدام لصدام وموتر مايعرف الشمس نهائياً سافرت عليها مره واحده فقط وقفتها بالمضله وخليتها ودخلتها 3M اول ماشريتها وركبت حامي على السياره كامله ضمان 10 سنوات وحامي الدرع على القزاز كامل القزاز كله بختم الوكالة واستكراته مفاتيح الوكالة 2 الكتلوجات قير ومكينه ارباق شواصي وكالة مافك فيها مسمار بطن السياره مازال بختومه بطباشير الوكالة ماشاء الله تبارك الله تشيكاتها كلها موجوده عندي لها 13 سنه مع راعيها اوراقها بالدرج بالنسبه البدي تعديل طرف الرفرف الامامي يسار صغير ولاهو واضح نهائياً بدون رش او سمكره تعديل فقط ( طول الاصبع ) موضح بالصور وعليها علامه ومفحوصه واوراقها جديده الكفرات يوكهاما جديدة من الداخل شد بلد وكالة وبقراطيس الوكالة شرط ثم شرط مالمعت ولا دخلها تلميع وبلمعة الوكالة ماشاءالله تبارك الله الدرقسون مازال بعروقه وبدون تلبيس او تجديد المراتب شد بلد لاتلبيس ولاشي وارضيتها وكالة صاحب السياره يحلف بالله ان حتى اخوه مايسوقها وغير مدخن ومازالت ريحة الوكالة فيها ومحافظ عليها ولايستخدمها كثير بحكم عنده سيارة اخرى والمرتبة الخلفيه وكالة بقراطيسها سامحوني على الاطالة ولكن حبيت اوضح كل شي بالتفصيل وبالتدقيق ابراء الذمه لمبة التشييك حقت حساس الشكمان تشتغل احيانن ثم تطفي ولاتشتغل الا بعد فتره حساس شكمان رقم ( 4 ) علمني عنها صاحب السياره وفعلن طلعتلي ثم اختفت يقول لها 3 سنوات كذا وديتها لضحيان وشيكت عليها طلع حساس الشكمان فقط لتوضيح ابراء الذمه موقع السيارة الرياض التواصل جوال واتمنى مراعاة وقت الاتصال