نيسان باترول سوبر سفاري 2004 قير عادي بنزين الممشى: 300 ألف كيلو أو أكثر  دبل باترول سوبر سفاري 2 ، 2004 طبلون ليزر بدون دفلك بدون فتحة. الممشى غير معلوم بدي مرشوش كامل معجون بالزاوية الخلفية اليمنى الموتر كان تماتيك ومقلوب عادي جميع قزاز الموتر قزاز نيسان وكالة ، يوم اشتريه كانت كوارينه تختلف الاماميه تماتيك والخلفية عادي ووديته للصمعاني غيرت كوارين امامي وخلفي وعدلت فحجة بمبلغ 5500 غيرت 16 جلبة تحتي الموتر من عند ورشة الانجاز كار مع مسامير توازن خلفية اصلي . كفرات سيام تاير شبيه الدنلوب 4 جدد برمضان والجنوط اصليات. فيه تبهيت بالكبوت والتندة ، ومشيوله الشناكر الخلفية وفي عندي ورقة الفحص من ابو صطيف ببريدة يوم اشتريه. الموتر عليه هدرز ودبة الكترونية ؛ فلتر مع غرفة ؛ كويلات ابوحبل ، وكلتش ابو جرس. المكيف الخلفي والثلاجة من اشتريته مايبرد ولا فحصتهم ، المكيف الامامي تبريده ممتاز ودفعه ممتاز كذلك مروحة المكيف الاضافية وحدة منها لاتعمل. السنترلوك لايعمل الا لباب السائق والراكب من اشتريته. الموتر واضح لي كان عليه كام وكمبيوتر سابقاً، لكني مشتريه كامات وكالة وكمبيوتر وكالة. يحتاج تغيير جنزيل دبل ، والفحص والاستمارة كلها سارية. على السوم بالعام مع رقم الجوال ، الموتر سيم 26 الف وأطلب الله الزود.