اخواني اهل المطير عندي حمام طيب طيب طيب قديم جداً وطاير وطاير له عيال الحمام هذا حمام خويي ( جاري ) عسى ربي يشفيه ويعافيه عمره يتجاوز 50 سنه الله يمتعه بالصحه والعافيه ويشهد الله في يوم هالجمعه اني جايه باخذ منه محاكر لانه بيعزل ويوم جيته بصطحه وشفت المحاكر قال مطلوب انك تاخذ الحمام هذا ( فكني منه ) مابي اخذ ذنبه قلت انا عندي كذا جوز ومستمتع فيه ولا احب اكثر الحمام قال خذه نصيحه ي بوعبدالله منها تكسب اجر فيني ومنها تطير من عيالها وبتدعيلي طيور طيبه واكثرها من طيور سالم الدوسري حاولت ما اخذ الطيور ولكن اجبرني يقول والله من قبل العيد حاط لهم العوامات وحاط صطول الاكل خيشه كامله وتوني اطلع لهم يعني فوق 11 يوم ماطلع لهم ولا جاها وبوقتها مسافر للجنوب الرجال معزل وسبب تعزيله ليس كبر سن ولكن تعب سكر وركبته وعطوه موعد عملية ركبه وماعاد صار يطلع فوق الطيور معزوله ذكور عن اناث فوق سنه ونص مادخلت على بعضها واخذتهم انا وحطيتهم بعشه وحده والان يدق على البيض توالفو الطيور ماني مرخصها وفلوسها والله ثم والله ثم والله اني بشتري فيها كراتين مويه وبحطها بالمساجد صدقه ل صاحب الطيور وهاذي النيه ويمكن هو يشوف رسالتي الان لانه بيعرض عشش واشياء كثيره بصطحه ولكن وقته مايساعد حتى المحاكر الي باخذها منه مالله كتب اني اخذها بسبب وقت الرجال مره بالمستشفى ومره مايقدر يتحرك ومره السكر مدوخه ونايم وانحرجت منه وقلت بفصل محاكر سامحوني على الاطاله ولكن حبيت اوضح كل شي عن الطيور بالتفصيل الممل الطيور اكثرها طيور سالم الدوسري السود وفيها طيور قديمه شاريها من شخص في حي عليشا والدروع من طيور الداؤود شاريها قبل 5 سنوات او 6 سنوات ونا شخصياً حضرت لها مطير الشهاده لله الدروع فقط حضرت مطيرها ماشاء الله تبارك الرحمن سما ومليانه تقلب وتشيل عمرها ولمتها وحده فيها مشرات طويله الطيور بالصندقه اكثرها تتقلب مليانه تقلب شرط ذكور واناث متساويه وشبب ماشفت فيها كبير عمر الموقع شرق الرياض العدد 11 جوز او 12 جوز ماعديتها بالضبط الحد جمله من 50 الجوز لايوجد تفريد نهائياً من شرى اهلن وسهلن وتذكر حلفت بالله ان فلوسها صدقه عن صاحب الطيور وعسى ربي يشفي مرضانا ومرضى المسلمين وشكرا