ليه أول مشروع بييجي في دماغ أغلب الناس هو المطعم؟
لأنهم شايفين المطاعم في كل شارع، والناس بتاكل كل يوم، فبيفتكروا إن الموضوع سهل، وإن الأرباح مضمونة.
لكن الحقيقة مختلفة تمامًا.
المشكلة مش إنك فتحت مطعم... المشكلة إنك فتحته من غير دراسة جدوى.
كتير بيصرف على:
ديكور.
معدات.
لوحة.
افتتاح.
عروض.
لكن بينسى يسأل نفسه:
هل المنطقة دي فعلًا محتاجة مطعم زيه؟
مين المنافسين؟ وإيه اللي هقدمه يخلي العميل يختارني؟
رأس المال هيكفيني كام شهر لو المبيعات اتأخرت؟
تكلفة الوجبة الحقيقية كام؟
نقطة التعادل فين؟
محتاج كام عميل كل يوم علشان أغطي مصاريفي؟
ولو المشروع ما نجحش... هخرج بأقل خسائر إزاي؟
وبعد كام شهر يبدأ يقول;السوق واقف أو الناس مبقتش تشتري
مع إن المشكلة كانت موجودة من أول يوم... إن المشروع اتفتح من غير دراسة حقيقية.
المطعم مش مجرد أكل حلو وديكور شيك...
المطعم عبارة عن أرقام، وتشغيل، وتسويق، وإدارة، وجودة، ورقابة يومية.
قبل ما تستثمر مئات الآلاف... استثمر كام يوم في دراسة مشروعك.
ممكن الدراسة تخليك تغير الفكرة، أو تعدلها، أو حتى تمنعك من خسارة مبلغ كبير.
القرار اللي بيتاخد قبل الافتتاح هو اللي بيحدد غالبًا هتكسب... ولا هتخسر.
━━━━━━━━━━━━━━
محمد الشناوي
استشاري تأسيس وتشغيل وتطوير المطاعم والإعاشة
أساعد المستثمرين وأصحاب المطاعم في:
✅ إعداد دراسات الجدوى.
✅ تقييم فرص نجاح المشروع قبل الاستثمار.
✅ تطوير التشغيل وزيادة الربحية.
✅ تقليل الهدر والتكاليف وتحسين الأداء.
لأن نجاح المطعم بيبدأ قبل الافتتاح... مش بعده.
استشارتك مجانية يسعدني ندردش مع بعض
