يا جماعة، التساقط والفراغات عمرها ما كانت مشكلة 'برا' بس! البصيلة هذي مثل النبتة، تتغذى من الداخل عن طريق الأوعية والشعيرات الدموية اللي تنقل لها الغذاء والأكسجين. طيب وش اللي يمنع الغذاء يوصل للشعرة ويموتها؟ هذي الأسباب الطبية الخفية اللي لازم تعرفونها:
مشاكل الامتصاص والمعدة: لو عندك إمساك مزمن، غازات، أو جرثومة المعدة، فأمعائك ماراح تمتص الفيتامينات ولا الأكل اللي تاكلينه. كأنك ما أكلتي شي!
مقاومة الأنسولين والغدد: ارتفاع الأنسولين ولخبطة الغدة الدرقية يسبب انقباض وضيق في الأوعية الدموية، فيمنع الدم والأكسجين إنه يوصل لفروة الرأس ويغذي المنبت.
تكيس المبايض (للبنات): يرفع الهرمونات الذكورية، ويسوي تساقط هرموني من مقدمة الرأس وتراجع في الخط الأمامي.
مجاعة الفيتامينات (خدعة المختبر): أحياناً تحليلك يكون طبيعي لجسمك بس 'مجاعة' لشعرك! هذي أهم التحاليل اللي لازم تسوونها بالأرقام الصح للشعر:
مخزون الحديد (الفرتين): للجسم 20 عادي، بس للشعر لازم يكون فوق 50 إلى 70 عشان يثبت.
فيتامين دال: لازم يكون فوق 50 عشان يحفز نمو بصيلات جديدة.
الزنك: هو اللي يبني بروتين الشعرة، لازم يكون بالمعدل العالي (فوق 90).
أنا هنا في متجري، ما أقدر أبيعك سدر أو أي منتج إلا لما أعرف وش النقص الداخلي عندك؛ لأن تشخيص الفروة ونظافتها من برا مكمل للعلاج من جوا! عالجوا السبب الخفي، وبإذن الله يوقف التساقط."
