شيفروليه امبالا LT 2017
قير اوتماتيك
بنزين
الممشى: 261 ألف كيلو
الموتر نص فل خليجي وارد قطر ممشاه 260 الف كيلو لون اسود
المكينة والقير ما قد انفكت والباقي فالمكينة مشكلة تهريب صوف ينقص معي علبة وربع كل 4 الاف كيلو وما حبيت افك المكينة عشان ابدلها وتكلف شغل يد مع كامل القطع اصلي قرابة ال1900 ريال ( تبديل كامل للقير والمكينة مو بس المكينة ) وطبعا المكينة فقط ارخص
القطع المغيرة فالصيانة خلال السنة هذي هي ( كلها اصلية ):-
دينمو
شداد سير
سير
بخاخات 6 اصلية سعرها 1600
طرمبة بنزين خلفية
مساطر بنزين مع مواصير بنزين
زيت قير كامل غسيل بالجهاز مع معالج لوكاس قبل 40 الف كيلو
عليها مبرد قير امريكي 30 الف وحدة مع الغاء مبرد الوكالة
مسيخ الرديتر ومغير موية اصلي بريستون
بواجي اصلي جي ام
قازقيتات ثلاجة وغطيان بلوف
فلتر مكينة ومكيف اصلي
بلوف تبخير زيت اصلية ( عيب مصنعي فالبلف الخلفي فالامبالا وتم تبديله )
بلف موية رياضي من موتوراد يفتح على 71 الحرارة ما تتجاوز ال83 فالظهر والزحام ويوجد صورة
برمجة مراوح وبرمجة قير مع تبديل الزيت ( تنعيم تعشيقات القير )
مساعدات امامية اصلية مع كراسيها
هوبات امامية اصلية
4 فحمات jex سيراميك افضل من الوكالة من تجربتي وتجربة باقي الناس مع خرط الهوبات ال4
خراطيش موية مع أكواعها
4 كراسي مكينة وقير اصلي سعرها 1600 ريال
طرمبة موية مع الوجه
تنظيف حساسات الاكسجين ال5 ( 4 شكمان وواحد فالقربة )
تنظيف ثروتل وثلاجة ودبات وبلوف مكينة من الكربون
يتم وضع منظفات زيت كل 3 تبديلات
تنظيف حساسات الكام والصرقعة والكرنك
تبديل حساسين شكمان ( واحد خربان والثاني غيرته لانه تابع للخربان من باب الاحتياط )
شاري لها شبك اصلي امامي فالشنطة
عكس امامي يسار اصلي مع صوفة العكس ( سليم بس لقيت الصوفة تندي فبدلتهم )
مسمار توازن يسار
فلنجات 4 وحدة منهم امريكي والباقي اصلي ( كانت الخلفية تطلع ونه فغيرتهم كلهم )
بدلت فريون مع زيت كمبرسر ونظفت حساسات المكيف والمراوح والتبريد ممتاز عندي
تبديل حساس تبخير البنزين evap
تبديل اهواز الثلاجة اصلي
بطاين كفرات امامية تاكلت مع العمر وبدلتها ( اتوقع انها تجارية ولكنها قماش نفس الوكالة )
الدودة فكيتها شحمتها وبدلت سيرها الداخلي وماشاء الله ريشة وخفيفة
باختصار صيانة وميكانيكا الموتر ماشاء الله عليه منفوض كامل من ناحية تصفية وغيره ويمشيني الفل فالمدينة من600 الى 700 كيلو
والعزم طيب الموتر خفيف ماشاء الله
الملاحظات :
البدي ما يخلو من الرش والسمكرة والحوادث
الايرباقات الجانبية فقط طالعة
مشكلة تهريب صوف المكينة
الفحص والاستمارة منتهية ويحتاج لها تلميع واسطب يسار عشان تتجاوز الفحص
مساعد كبوت سعره 100 ريال اصلي
مقص خلفي يسار فيه ضربة خفيفة ولا تضر الميزان او الكمرات ولا يطلع صوت وذاكره للذمة
والفحمة اللي ورا يسار تطلع صوت لانها ماهي ثابتة زين ومافضيت اسويها
القزاز الامامي مغير مع ربلته والعزل ممتاز مافي ازعاج هواء ولا اصوات
تكاية السواق تحتاج تنجيد او تبديل
كذلك فتحة المكيف للمعاون معلقة تكلف 30 ريال في محل زينة كلبسها مو ثابت فقط يثبته
كذلك السيارة مفرغه دباتها ومبرمجة عشان الصرفية ( ما لعبت بالشرار او البنزين فقط الغاء نظام حماية الدبة عشان التشغيل عن بعد ) وشغالين حساسات الشكمان ما الغيتهم لو انفصل او خرب تطلع لمبة مكينة
ذكرت امور توضح للشاري لغرض ارضاء الذمة ولا تضر ابدا ولكن يكون الشاري على بينه من قبل الفحص
البيع على السوم فالخاص او الواتس ( ارجو عدم البخس لان القطع المدفوعة سعرها يتجاوز ال10 الاف ريال بفرق كبير بدون حسبة شغل اليد وتريحك فالمستقبل ما تدفع فالموتر
