نص فل 2017 مستخدم قير اوتماتيك بنزين الممشى: 300 ألف كيلو أو أكثر السلام عليكم ورحمة الله وبركاته فضلاً اقرأ الإعلان كامل قبل التواصل. للبيع كيا كادنزا 2017 * اللون: رمادي غامق * الممشى: 370 ألف (أغلبها خطوط المدينة - الرياض) * المكينة: شرط وكالة * القير: شرط وكالة * الشاص: شرط * البدي: رش تجميلي 2-3 قطع بسبب طقات خفيفة، ولا فيه تعديل ولا معجون ولا قص. السيارة ما شاء الله استخدام شخصي ومحافظ عليها بشكل ممتاز، وكانت أغلب فترة استخدامها في المدينة المنورة. ملاحظات وتفاصيل بكل أمانة: * بطن السيارة نظيف وما فيه أي صدأ. * المشتري له الحق يفحص في أي مكان، وإذا طلع فيها شيء خلاف كلامي أنا أتحمل قيمة الفحص. * إيرباق الراكب انفتح بسبب صدمة خفيفة، وصور الحادث موجودة مع الإعلان بكل وضوح. * تقرير موجز مرفق، وإذا حبيت تطلع تقرير جديد ما عندي أي مشكلة. الصيانة: * تصفية المكينة مسوية. * بواجي جديدة. * زيت القير يتغير بانتظام. * جميع تغييرات الزيت والموية كانت في بترومين باستخدام زيت وموية أصلية، وتغيير الزيت كل 6000 كم. * ما فيه أي تهريبات بالمكينة. * غرفة المكينة نظيفة. * المساعدات والتعليق وضعها طيب. * المكيف ثلج. * الداخلية نظيفة. * الاستبنة الأصلية موجودة. فيه بهتان خفيف في السقف والشنطة، وما رشيتها حفاظًا على وكالة البوية، وحبيت أوضح كل شيء للمشتري من باب الأمانة. السيارة بشكل عام جاهزة للاستخدام، عَبِّ بنزين وامشِ، وما تشتكي من شيء بإذن الله. السوم وصل 39 ألف من رجال صامل، وحدي 40 ألف. أي سوم أقل من كذا أعتذر عن الرد، والسيارة تستاهل. سبب البيع: عندي سيارة ثانية فقط، وليس في السيارة أي عيب يدعو للبيع. الله يبارك للبائع والمشتري.