نيسان مكسيما S 2016 قير اوتماتيك بنزين الممشى: 269 ألف كيلو مكسيما 2016 ستاندر الممشى 270 ألف، أنا ثاني مالك للموتر بعد المالك الأول اللي طلعها من الوكالة. الموتر دخول ذكي وتشغيل ذكي وتشغيل عن بعد، مقاعد قماش، مكيف إلكتروني منفصل، جنوط 18، مثبت سرعة، شاشة 8 إنش، كاميرا خلفية، أنوار أوتو، قزاز مدبل، حساس ضغط كفرات، إيرباقات أمامية وستائرية، وباقي المواصفات معروفة. المكينة والقير والشاصي والإيرباقات شرط، البودي وكالة. ما عدا الملاحظات هذه: التندة مرشوشة بسبب التجليدة اللي على التندة من المالك الأول. الرفرف الأمامي يسار كانت فيه صدمة خفيفة وعدلتها تعديل بارد بدون رش وبدون سمكرة. السمكات مرشوشة، أعتقد أو أنه قبلها رش، وكل شيء واضح بالصور. بالنسبة للقزاز، الملاحظة الوحيدة القزاز الأمامي فيه شعر وتمت معالجته بحيث إنه ما يزيد. السيارة أخذتها قبل حوالي 7 شهور ونفضتها كاملة بأكثر من 14 ألف، والفواتير موجودة. مركب لها تظليل من بيست شيلد. ملمع الشمعات والكشافات الأمامية، ومركب لها حماية ضمان 5 سنوات. مغير الرمانة للكفر الخلفي اليمين كان فيها رجة. مغير زيت القير على ممشى 263 ألف، مع العلم هذه خامس تغييرة زيت قير، وقير الموتر ممتاز وما يشكو من شيء. مغير فحمات من العضيب على ممشى 264 وعليها ضمان سنة. المكيف ثلاجة، معبي له فريون ومغير فلتر المكيف قبل ثلاث شهور تقريبًا. مغير بلف التبخير. مغير طرمبة الماء. مغير بواجي ومصفي المكينة. مغير طرمبة دركسون. بطارية جديدة. مغير جنازير المكينة بسبب إنها كانت تطلع صوت. مركب إضاءة ليد أمامية عالية واطي بدل الهالوجين. الملاحظات اللي على السيارة: فيه صوت بالدركسون إذا لفيت على سرعة قليلة، بس ما يأثر بالقيادة إطلاقًا، كنت بصلحها بس ما فضيت، أعتقد إن حلها تشحيم جلد داخل الدركسون وتروح. غير كذا ما أشوف فيه أي ملاحظات بالسيارة، دق سلف وامش. السيارة ماسك، خليها خط 600 كيلو قبل شهر، وبسم الله عليها راسية وأمورها ممتازة، وصرفيتها حلوة. يوم وصلت كان باقي ربع بالتانكي وكنت أمشي 140. الموتر منوة المستخدم. الحد 40، والصامل ما راح نختلف معه. البيع كاش ولا أقبل البدل