LT 2013 مستخدم قير اوتماتيك بنزين الممشى: 300 ألف كيلو أو أكثر للبيع شيفروليه ماليبو 2013 LTZ اللون ابيض 6 سلندر فئة LTZ الممشى 300 الف وكسور قابل للزيادة . - مكيف شغال - مغير راديتر المكينه والمراوح وموية اصلية قبل اسبوع - المكيف الحار ملغي - يوجد تهريب بسيط في صوفة خلفية بين المكينة والقير (يكلف تقريبا قطع وشغل يد 800 ريال) تقدر تصلحه بعدين عادي ينقص ربع علبه كل 4 الاف كيلو كذا كذا بتغير زيت كل 4 او 5 الاف كيلو. - بطن الموتر فيه طقطقه مقص او ذراع جهه الكفر امامي يسار - احتمال مساعدات خلفية نص عمر - لمبة المكينه مولعة بسبب حساس الاكسجين حسب كلام فني الفحص ولا ياثر ابدا على السيارة وصرفية الموتر جيدة الفل يمشي 500 كيلو اذا دعستك ناعمة - حساسات الكفرات غير موجودة (سرقها البنشري) - بطارية وكفرات نص عمر تمشي الحال . - شاشة الراديو ما ادري هي مسروقة او طايحة من مكانها لكنا لراديو شغال عادي واذا شبكت جوالك بال usb يشغل صوت المقطع الداخلية تحتاج تلميع المراتب جلد فيها تشققات بسيطة جدا التحكم بالكراسي فيه مشكلة ممكن دينمو الكرسي ضعيف او يحتاج تنظيف مجرى الكرسي . حالة البدي غير معلومة على الشوف والصور تحتاج صدام امامي وشبك وصدام خلفي يكلف 750 تقريبا والرش 400 ريال حساسات خلفية لا تعمل بسبب الصدمة يحتاج اسطبات خلفية (متوفر اسطب يسار تجاري شاريه ب 150 مع البيعه) بتحتاج تشتري الاسطب اليمين ب 150 تجاري الشمعات الامامية تحتاج تلميع (لمبه الشمعه اليسار احتمال تحتاج تغيير سعرها 100 ريال الماني) يحتاج سمكرة عالبارد رفارف امامي وخلفي وشنطة وباب السواق بيكلف شغل يد 500 ريال وحولها (ادلك عل واحد فنان يسويها لك بسعر طيب) فحص منتهي الاستمارة مطوفة 6 سنوات من 2021 شهر 3 (يكلف 900 ريال) . والموتر يحتاج مبلغ بسيط من 3000 الى 4000 ريال شامل فحص وتجديد بالكثير وبتطلع وردة (اذا موضوع تهريب الصوفة ما يهمك بتوفر 1000 ريال) . البيع على السوم وصل 8000 ريال والبيع قريب لا يتواصل الا الصامل ، اقل من السومه لن ينظر له الي ما يعطي السيارة حقها او يقولي تشليح لا اشوف وجهه والسموحة من الجميع . الموتر يمشي الحال يودي ويجيب وسافرت عليه الطائف ومكة وجدة بدون مشاكل سيارة رخيصة تحتاج تلقيطات الي ذكرتها بالاعلان . اي تفاصيل اخرى ما عندي علم فيها بيني وبينك الفحص ما اشرط لك شي نهائيا واعتقد الاعلان مفصل بشكل واضح استمارة وفحص ونقل وخلافه وعمولة حراج على المشتري .