سوبر سفاري 1997 مستخدم قير عادي بنزين الممشى: 1 ألف كيلو  دبل السلام عليكم ورحمة الله وبركاتة الرجاء قراءة جميع تفاصيل الاعلان جيداً باترول 97 فحص جديد استمارة سارية الى 2028 بابين مكينة بخاخ بلد 4200 لونين عنابي ذهبي الداخلية بيج مع عودي الديكورات يجي ديكورته الداخليه مخشب الموتر فل كامل مكيفين ثلاجتين بدون دفلوك الموتر يجي سله جناح رفاف وكل اغراضه موجوده انا مسلق الموتر لاجل الاستخدام الموتر استخدامي من 14 سنه الموتر قير مكينة دبل دفرنسات شرط وماشكيت منها شيء قريب ممشى الموتر عداد الممشى واقف من زمان على تقريباً 185 الف يشبك ويفصل فترة طويله حاولت اصلاحه لكن ماضبط وقالوا ان المشكلة من حساس السرعه اللي حول القير وتجاهلته لان الموتر استخدام حالة بدي الموتر اللي صار معي صدمة على الجنب الايمن الرفرف الامامي يمين والخلفي يمين فقط تم تغيير الامامي وكالة والخلفي تم التعديل وموجودة صور الحادث وتم رش الموتر كامل تجميلي عشان التبهيت والفحص الموتر عليه اضافات بطارية اضافية مع لمبات جانبية مع سلك ثلاجة وسلك كنود وسلك لماطور الهواء ولاعات اضافية دايركت شغاله وعليه طاولة على باب الشنطة يمين الموتر عليه يايات اولد مان الاسترالية خلفي 5 سم وامامي 3 سم رفعه ممتاز وتشيل حمل والمساعدات اللي عليه حالياً جبريل وعليه ذراع دركسون اماي رياضي من التعليق الصحراوي وعليه تدبيل مساعد دركسون لزيادة الثبات والرجه من عند بدر التويجري داخلية الموتر من ناحية خشب الابواب وقماش الابواب والمراتب نظيفة جداً ولافيها ملاحظات وديكورات الابواب متماسكة القزاز الكهرب جميعها شغاله وسليمة وسنتر لوك الاقفال شغال وتم تجديدها بالكامل الزجاج الخلفي اليسار اللي تجي فصال بالشنطة تم تغييرها بسبب تلف ربلة القزاز ودخول الهواء تم تغيير ربلة زجاج متصل وتركيب زجاج متصل والزجاج الفصال موجود اللي بيركبه يشتري مجرى القزاز الفصال الموتر تم عمل صيانة له تغيير كراسي قير ومكينة وبواجي وطقم سيور وخرطوش الهواء الكبير وتنظيف عصا الدبل وتبديل ربلة الحماية وتم تغيير طقم كلتش كام صحن ودزق وفحمه وتم تغيير ربلة مجرى القزاز للسايق والراكب اصلي وكالة الموتر عليه جنوط هلل صيني وكفرات شاهين تاريخ 2025 ماكملت سنه على الموتر وفيها اكثر من نص العمر مركب حساس spy لضغط الكفرات الملاحظات الموجوده بالموتر بعض الديكورات الداخليه مثل ديكور القير متكسر وديكور مفاتيح القزاز المخشبه تكسرت وتم تبديله بعاديه اللي حصلت والمكيف الخلفي طافي مايشتغل ولا حاولت اصلاح لعدم حاجتي له لكن مكيف الامامي شغال واموره طيبه وفيه صوت زي الصرصره بقسام المكيف اللي يجي خلف مفاتيح المكيف لن مكيف لمس ماهو فرار اذا كانت السيارة باردة سواء شغال المكيف او طافي وتختفي ماتطول دعست الكلتش فيها فضاوة بسبب تاكل الخابور حق الدعسه وثقل بعض الاحيان بالدعسه اذا وقف الموتر فتره ويروح الثقل اذا استخدم الموتر مرتبة الصف الثالث ماهي موجوده وجنوط الوكالة ماهي موجوده الموتر اروح عليه قريب وبعيد ماشكيت منه شيء الحمدلله هذا الاعلان كامل ويمكن فيه شيء ماذكرنه عند التواصل نوضح كل شيء ورقم الجوال موجود واللي بيشوف الموتر ويقلبه الموتر موجود غرب القصيم بالقرب من السيح الصوره الاخيرة صورة الصدمة للتوضيح