هيونداي النترا GLS 2018 مستخدم قير اوتماتيك بنزين الممشى: 258 ألف كيلو السلام عليكم ورحمة الله وبركاته، ﴿وَلَا تَبْخَسُوا النَّاسَ أَشْيَاءَهُمْ﴾ [سورة الأعراف: الآية 85] للبيع النترا 2018 سوبر فل كامل (وارد الناغي) - مالك أول. الممشى: 257 ألف وكسور. البودي: فيه رشوش متفرقة وملاحظات موضحة بالصور. الصيانة والاهتمام: زيت المحرك: شل هيلكس 10w-30 (حسب كتيب الوكالة) يتغير كل 3500 كم. زيت القير: يتغير كل 70 ألف، وتوه مغير قبل 35 ألف كم. صيانة ميكانيكا وعضلات كاملة قريبًا: على ممشى 250 الف تم تغيير الجنزير وشداده، والمشاية، والصفايات، وطرمبة الموية، وبلف الحرارة، وغطاء الرديتر، وموية الرديتر (أصلي وكالة بالجهاز). العضلات: مساعدات، جلد غبار ومطبات ومقصات، جلد عمود توازن، كراسي مساعدات، ومسامير توازن. كل القطع أصلي وكالة هيونداي (ما فيه شيء تجاري ولا موبيس). مكلفة تقريبًا 4500 ريال قطع وشغل يد وجميع الفواتير موجودة. الكفرات من الراشد (نوع سونار) بضمان 5 سنوات. ملاحظات وإبراء للذمة: يوجد تندية بسيطة تحت عند الكارتير بسبب صوفة المكينة، وشريت لها صوفة مكينة وصوفة طنجرة (أصلي وكالة) وبعطيها للمشتري مع السيارة. دبة الرصاص مفرغة فقط بسبب عيب مصنعي معروف بالالنترا (تكسر الرصاص وسد الشكمان وفرغته). الإسبير غير موجود (انسرق). المكيف يحتاج فريون فقط، ومستعد أعبيه للمشتري في بترومين على حسابي. ايضا المرايات الجانبيه ما تقفل خربانه ولا التحكم يشتغل غير فتح وقفل النوافذ شغال بسبب خلل في وحدة التحكم في الباب والبصمه حقت باب السايق ما تشتغل فقط. الحد: 32000 الف ريال ، ولن ينظر لاي سومه فيها بخس والبيع سمح والصامل ما نختلف معه بإذن الله. بالمختصر لا تدور بدي بلد لان مو بدي بلد لكن شاص سليم والموتر سليم. التواصل عالخاص.