البيع يا جماعة الخير على مكينة قهوة نسكافيه دولتشي قوستو (Genio S Plus Black) الأوتوماتيكية الغنية عن التعريف، اللي تضبط لك كباية القهوة بضغطة زر وبأحلى وزنية. وزي ما هو واضح عندكم في الصور، لونها أسود ملكي وشكلها جداً أنيق يضيف لمسة فخامة للمكان. - المكينة ما تنباع لحالها، يجي معاها طاولة خاصة ومفصلة لها؛ الطاولة هذي مو بس تشيل المكينة، لا، مصممة بطريقة ذكية عشان ترتب لك الكبسولات وتحفظها بشكل يفتح النفس. يعني تاخذ المكينة مع طاولتها كطقم واحد متكامل، ينباعون مع بعض عشان يصير عندك جاهز ومجهز من مجاميعه، ما يحتاج تدور له أي إضافات ثانية. - النظافة وحالة الاستخدام: ​بالنسبة للنظافة، يشهد الله إن المكينة استخدامها جداً نظيف ومحافظ عليها، يعني استخدام حشمه زي ما نقول، وتلق لق ما شاء الله تبارك الله. مافيها أي خدوش أو عيوب، واللي بياخذها بيدعي لي لأنها أخت الجديدة ومهتم فيها بشكل شخصي ودوري. - الضمان والشرط (حقك محفوظ): ​من باب الأمانة والشفافية بينا، المكينة على الشرط. . ​تفضل بنفسك، شيك عليها، قلبها، وشوف نظافتها بعينك قبل تاخذها. .وحتى بعد ما تشتريها وتستعملها وتجرب قهوتها، لو بخاطرك شيء أو ظهرت لك أي ملاحظات، أبوابي مفتوحة وتقدر ترسل لي وتتواصل معايا في أي وقت.. رضاكم أهم من البيعة - اللي له خاطر ويدور النظيف اللي يريحه، يتواصل معايا على الخاص، والصامل ما بنقصر معاه بإذن الله. ربنا يبارك للمشتري ويعطيه خيرها ويكفيه شرها