فورد كراون فكتوريا 2011 الممشى: 287 ألف كيلو أسعد الله أوقاتكم بكل خير 🌹 ———————- أعرض لكم سيارتي فورد فكتوريا موديل 2011، ممشى 287 ألف كيلو. امريكي استخدام سعودي لون سمني الموتر مشروط ونظيف البدي وكالة بالكامل وعلى الشرط. بستثناء قطعة واحدة رش فقط على نظافة. ————————- الموتر ما خليت فيه شيء يحتاج صيانة إلا وتم الاهتمام فيه؛ العظلات منفوضة من والى ومشدودة ومتماسكة، وتمت صيانته وتغيير الأمور الاستهلاكية اللي كان يحتاج لها، والموتر حاليًا جاهز للمستخدم. ——————— 🔧 الميكانيكا على الشرط ولله الحمد: المكينة والقير والشاص والايرباقات والدفرنس كلها مشروطة ونظيفة ومن ابدع مايكون. ———————- وكذلك عليه 4 كفرات جوديير مركبها قريب، وبطارية جديدة اسديلكو جميع زجاجات الموتر وكالة. ———————— باختصار: الموتر نظيف، ومشروط، ومصين، ومتماسك ومشدود من تحت، وجاهز للمستخدم. وموتر كفو ونظرته جميله وملفت يسر الناظرين والنظافة ما هي بالكلام، المعاينة هي الحكم، والجاد يجي يشوف الموتر ويقلب فيه ويفحصه. 🔴 الحد من الآخر: 36,000 الف 🔴 رجاءً لا يتواصل معي إلا الصامل والجاد في الشراء. الله يكتب لنا ولكم الرزق والتوفيق، ويبارك لراعي النصيب 🌹