السلام عليكم ورحمة الله وبركاته
ابحث عن شريك يدخل معي بـ 400 الف ريال مقابل 20% في 3 مشاريع تقنية جاهزة.
الفكرة ان المشاريع جاهزة والمرحلة الجاية تركيزنا بيكون على التسويق والـGrowth، وعندنا 3 مشاريع في اسواق مختلفة، ولو واحد منهم فقط نجح وانتشر بالشكل اللي نبيه ممكن يحقق مئات الملايين وممكن مليارات وطبعا مااقول الكلام هذا من حماس اقول الكلام هذا لاننا ندخل اسواق جديده بمشاكل مااحد حلها قبلنا.
المشروع الاول: ذكاء صناعي للقضايا الجنائية في امريكا
الشخص يدخل ويشرح قضيته ويرفع ملفاته والادلة والمستندات، وبعدها الـAI يسأله عن المعلومات الناقصة ويحلل القضية بشكل عميق ويبحث عن التناقضات والمشاكل القانونية والثغرات والاشياء اللي ممكن تكون ما تم الانتباه لها.
في امريكا الاستشارات القانونية مكلفة جدا حول ال 500 دولار استشاره مع محامي، ولكن احنا نقدر نقدم تحليل للقضية بسعر بين 20 و50 دولار تقريبا، وتكلفة الـAI علينا اقل من 10 دولار للقضية.
واشوف ان المشروع عنده فرصة قوية جدا مع التسويق بالمحتوى الفيروسي لان احنى مسكنا نقطه الم قويه جدا وهي لما الشخص يكون في وضع انه بيواجه سجن فهو يدور على افضل النتائج وال AI اللي سويناه سعره رخيص عليهم.
المشروع الثاني: AI للقضايا العمالية عالميا
اي شخص عنده مشكلة في العمل، انطرد، ما اخذ حقوقه، عنده مشكلة مع الشركة او HR، يشرح وش صار معه ويرفع ملفاته.
الـAI يسوي معه Interview وبعدها يحلل قضيته حسب قوانين الدولة اللي هو فيها ويعطيه تحليل كامل لموقفه والخيارات الموجودة.
والميزة هنا ان السوق عالمي وال AI اللي معنا مدرب انه يبحث بشكل عميق عشان يخلي موقف الموضف قوي امام شركته وهذي نقطه الم قويه جدا.
المشروع الثالث: منصة تجمع رواد الاعمال بالمستثمرين
اي شخص عنده فكرة او مشروع يقدر يعرضه مجانا، والمستثمر يقدر يشوف المشاريع ويتواصل مباشرة مع صاحب المشروع. وراح نكون في بوزيشن وهو اي شخص عنده فكره يضيفها بموقعنا والمستثمرين يتواصلون معه وبعدها يوضف نفسه داخل المشروع او اذا كان عاطل يكتب فكرته وبعدين المستثمرين يتواصلون معه فيكون وضف نفسه وكذلك يشتغل على حلمه.
الربح بيكون من ابراز المشاريع والترويج لها داخل تطبيق الويب الخاص فينا. يعني اذا الشخص رفع مشروعه يقدر يروج له داخل منصتنا عشان يشوفونه ناس اكثر واي شخص مؤمن بفكرته راح يدفع.
وكذلك نقدر نروج بعض المشاريع مجانا مقابل نسبة بسيطة منها مثل 2% وهي ماتكلفنا شي نروج وقت ماتكون عندنا اعلانات مدفوعه داخل منصتنا
والفكرة انه لو صار عندنا نسب بسيطة في مئات او آلاف المشاريع، ما نحتاج كلها تنجح، مشروع واحد فقط يوصل لقيمة كبيرة ممكن يغير قيمة الشركة بالكامل واحنا نادفعنا شي.
وين راح يروح الـ400 الف؟
200 الف للاعلانات المدفوعة والتسويق.
100 الف رواتب لـ9 موظفين لمدة سنة، أغلب تركيزهم بيكون على التسويق والـOrganic Growth والمحتوى الفيروسي.( راح اوضح للشخص المهتم كيف 100 الف تكفي رواتب 9 موضفبن لمده سنه )
100 الف Founder Liquidity لي كمؤسس ضمن الصفقة.
التحدي عندنا حاليا مو بناء المشاريع لانها جاهزه الان وعلى النت واي احد يقدر يستخدمها، التحدي هو التسويق وكيف نوصل لأكبر عدد من المستخدمين.
انا ما اقول ان الاستثمار مضمون، لكن عندنا 3 فرص مختلفة بدل فرصة وحدة، وكل مشروع في سوق مختلف. وانا اشوفها فرصه المليار مو لاني متحمس ولكن لاننا مسكنا نقاط الم قويه نحلها للناس واذا تم تسويقها بشكل ممتاز راح تكون شركات ملياريه
المطلوب 400 الف ريال مقابل