موقع؟ منصة؟ تطبيق؟
ليش كل هالتعقيد؟
بدون فلسفة زايدة
نشاطك مو مجرد شغل… هذا تعبك، وقتك، ورزقك. فلا تخلي أحد يعقّدها عليك وبعدين يحاسبك على التعقيد.
إذا الشيء تقدر تسويه بنفسك… ليش تدفع لأحد عشان يسويه عنك؟
مع «صفحتي»، 5 دقايق من جوالك، وبيدك تخلي نشاطك جاهز تقدمه لعميلك بشكل متطور وإلكتروني 100٪. الآن… مو بكرة ولا بعد شهر. بدون مبرمج، بدون مصمم، وبدون فلسفة زايدة.
بس دام الكل بيتفلسف… أكيد حنا قدامك زي غيرنا. لكن ربنا خلق الإنسان بعقل يقارن ويميّز الصح من الغلط. فلا تصدقنا لين تكشف الفرق بيدك، لأن كل اللي بنقوله لك تقدر تسويه بيدك.
فلسفتنا بالمختصر؟ واقع.
«صفحتي» صفحة وحدة لنشاطك، تجمع خدماتك وتقدمها لعميلك من مكان واحد. أنت تديرها من جوالك وتقول لعميلك: «هذي صفحتي».
وش تقدر تسوي فيها؟
1ـ عرّف بنشاطك: حط معلوماتك، حساباتك وموقعك.
2ـ وصّل عميلك: صار لصفحتك رمز QR خاص فيك، استخدمه وين ما يناسبك وخله يدخل مباشرة.
3ـ اعرض منتجاتك أو خدماتك: بصورها وأسعارها وتفاصيلها.
4ـ سوِّ خصوماتك: أنشئ كود خصم، أعلن عنه بطريقتك، وعميلك يستخدمه في عربة التسوق.
5ـ استقبل طلباتك: عميلك يرسل طلبه ويحدد متى بيستلمه. وأنت توافق أو ترفض وتحدد الوقت. الدفع عندك أو برابطك الخاص. وعندك توصيل؟ اتفق مع عميلك ووصّل طلبه.
الطلب لك، العميل لك، والدفع لك مباشرة، و0٪ عمولة على مبيعاتك. وكل هذا بينك وبين عميلك بدون تدخل أو اطلاع من إدارة التطبيق على تعاملكم.
6ـ استقبل حجوزاتك: عميلك يحجز من صفحتك، وحتى عند الموظف اللي تحدده. يعني تقدر تستفيد من موظف المواعيد في وظيفة ثانية.
7ـ سوِّ عروضك: حدد العرض ومدته بنفسك، واستخدمه لتحريك وقت الركود.
8ـ كافئ عملاءك: بطاقة ولاء ونقاط ومكافآت، وعميلك يحتفظ بها في محفظة جواله.
9ـ اجمع تقييماتك: بعد تعامل العميل معك، يقدر يقيّم تجربته.
10ـ زِد فرصتك في Top 10: كل ما ارتفع تقييمك، تزيد فرصتك في الظهور ضمن أفضل 10 في تصنيفك أمام مستخدمي التطبيق، بدون مقابل للظهور.
11ـ ابنِ قاعدة عملائك: كل عميل يطلب أو يحجز يدخل تلقائيًا في سجل عملائك. لأن عملاءك لك.
12ـ تابع أداء صفحتك: من جوالك، وكل صفحة تتابع أداءها بشكل مستقل.
13ـ الدعم معك: الخدمات فعّالة 100٪ والدعم 24/24. تبغى مدير لحسابك؟ أضف HJ2BYB قبل تفعيل اشتراكك.
14ـ تطوير مستمر: احتجت خدمة مو موجودة؟ اطلبها. وإذا تكرر الطلب من أكثر من تاجر، مبرمجينا يعملون على توفيرها بدون تكلفة إضافية عليكم.
وكل هذي الخدمات؟ مو لازم تستخدمها كلها. فعّل اللي تحتاجه ووقف اللي ما تحتاجه. صفحتك على مقاس نشاطك.
وعميلك بعد يلقى الأنشطة وخدماتها في تطبيق واحد. أبسط لك… وأبسط لعميلك.
باقي السؤال: كل هذا بكم؟
89 ريال بالشهر وبس. خدمات غير محدودة، وحتى 5 صفحات باشتراك واحد. عندك فروع أو أكثر من نشاط؟ كل فرع أو نشاط تقدر تخليه بصفحة مستقلة بخدماتها.
وليش 89 ريال؟ لأننا ما نسوي لك تطبيق من الصفر ولا نظام لحالك كل مرة. إحنا بنينا المنظومة وجمعنا الأدوات في تطبيق واحد يخدم التجار.
مو لأن الخدمة أقل… لأن الفكرة أبسط.
خلصت فلسفتنا… والحين دورك.
سوِّ حساب تاجر وحساب عميل، وشوف صفحتك بعين عميلك: اطلب، احجز، واستخدم خدماتك.
وبعدها؟ أنت احكم.
لا صديق، ولا شركة، ولا حتى إحنا.
أنت جرّب… وأنت قرر.
ناسبك «صفحتي»؟ فعّل وابدأ.
تلقانا على App Store وGoogle Play.
«تطبيق صفحتي»… عالمك في تطبيق.
عشانك تستاهل الأفضل…
هذي مو فلسفة زايده هذا حقك
