بيجو 508 2021 مستخدم قير اوتماتيك بنزين الممشى: 174 ألف كيلو ا السلام عليكم و رحمة الله و بركاته اعرض لكم سيارتي من النوع بيجو 508 GT فل كامل فئة السبورت موديل 2021. ببدأ معاكم بالمواصفات و المميزات و انتهي بالملاحظات و السعر. المواصفات : فتحة سقف بانوراما. قير رياضي ثمان سرعات و دبل كلتش. مكينة حجم 1.4 تيربو. فيها اربع وضعيات قيادة العادي و الرياضي و الايكو و القير العادي يصير التعشيق من الدركسون ما تتبدل الغيارات انت تبدلها يدوي ( تيب تورنيك ). الكراسي جلد احمر و فيها تسخين مراتب. يوجد مساج بالكراسي الامامية. كاميرة امامية و خلفية + حساسات 360 درجة في جميع انحاء السيارة. تنبيه الخروج عن المسار + اذا كنت قريب من السيارات الي قدامك او من الجنب + قيادة شبه ذاتية + رادار. مثبت سرعة و آمن بحيث اذا ثبت السرعة مثلا 110 و الي قدامك يمشي 100 السيارة راح تضغط بريك و تمشي بنفس سرعة السيارة الي قدامك ( هذي فايدة الرادار ). و فيها مواصفات كثير صراحة ما تحضرني كلها. الملاحظات : انا المالك الاول للسيارة و ماخذها من الوكالة المجدوعي باسم البنك و السيارة الان بإسمي للتوضيح. السيارة مسجل عليها حادثين واحد تصلح بالوكالة بالمجدوعي جزء من الرفرف الخلفي اليسار فوق الجنط فقط هو الي متصلح الجنط ما تأثر فقط جزء بسيط من الرفرف . و الحادث الثاني وحده حكت السيارة و هي واقفه و ما تم اصلاحها لانها حكة بسيطة و ما تستدعي ارشها و اخرب بودي السيارة. جلدة صدر المكينة في بداية ضعف بسيط جداً و تندية بسيطة جداً و قيمة الجلدة الاصلية تقريباً من 300 الى 400 ريال ولا تضر للتوضيح هي شي استهلاكي بسبب الاستخدام و ليس سوء استخدام. العكس الامامي اليسار يحتاج الى اصلاح السبب لما تلف الدركسون يسار تبغا تسوي يو تيرن يطلع صوت طقطقة بسيطة الافضل انه يتصلح و برضو يعتبر شي استهلاكي و ليس سوء استخدام. فيه صوت اهتزاز بسيط بالديكور الامامي للطبلون جهة الراكب و صوت اهتزاز بالديكور الخلفي غالباً من قطعة الحماية حقت الشنطة الداخلية مو راكبه زين و الله اعلم ، و الي سمعت عنها انه البيجو دايم مشاكلها بالديكورات و هذا شي وارد فيها. المكيف يتأخر التبريد شوي لين تمشي بالسيارة بعدين يبدأ يبرد. المميزات : السيارة بالكامل بحالة الوكالة و جميع اغراضها وكالة و سبير الوكالة ما نزل على الارض نهائياً و البودي بالكامل وكالة ما عدا جزء الرفرف الخلفي اليسار الي ذكرته سابقاً بالملاحظات. ممشى السيارة 174,500 كيلو قابل للزيادة البسيطة جداً بدافع تحريك السيارة فقط عشان زيوتها و عضلاتها. الممشى ترا يعتبر جداً ممتاز بما يعادل 29 الف كيلو سنوياً ، و يعادل تقريباً 2400 كيلو شهرياً. كل شي بالسيارة يعمل سواء فتحة السقف او الغطاء لفتحة السقف و الشنطة الكهربائية او الحساس الي تفتح الشنطة برجلك الله يكرمك السيارة نظيفه جداً جداً جداً و جاهزة للاستخدام و السفر. القماشات الامامية و الخلفية جديدة + كفرات جديدة + زيتها يعتبر جديد + بواجي جديدة + تم عمل تصفية شاملة للسيارة و تنظيف للتيربو و ثلاجة المكينة و غيرها + فحص و استمارة جدد. سبب البيع : وجود سيارة اخرى. السعر : 52 الف قابل للتفاوض البسيط هذا كل شي اعرفه عن السيارة بالتفصيل و يفضل الفحص لابراء الذمة تماماً و المصداقية امام الله ثم المشتري و اذا ما عندك قيمة الفحص انا افحصها لك ما عندي مشكلة بس عشان تكون على نور وش بتشتري. ارجو عدم البخس للسلعة. و الله يوفق الجميع يارب