السلام عليكم ورحمة الله وبركاته
كما عودانكم بالعروض الطيبه
عرض فاخر وفرصة للقاني
سنها ام ثالث توها شاق نابها
ساحلية اصل وتحتها بكرة مزيوووونه بالحيل عمر بنتها 11 شهر
ولقحها شهرين وازود.
🔥 الناقة فارعه شكور وصبوره وناقة دهر ديس رقم واحد ومحالب وغذذوتها واضحه في بنتها شعرتها عكشاء – زين وحليب وهدوء 🔥
الناقة غنوووووج( دلعه ) الي ابعد حد الورعان يلعبون معها تلقانا إذا جينا المراح من هداواتها مشالله تبارك الله
✨ الناقة امانه فرصه الي عنده مزرعة ويبغى منيح هدية وبيصبر بيذكرني بالخير انشالله ✨
مابطيل في المدح كلن عينه ميزانه ويجي المراح ويعاين مابوفيها حقها وغلها
مشروطة شرط من جميع عذاريب الابل
وراح انزل صورة لها وقت الربيع قبل تلد يوضح لونها وشعرتها....
الزين والإنتاج الطيب:
❤ حمراء لون ومظهر
🥛 أم حليب
تحلب طاسة أم 80 وفوق
🐪 هادية وسهلة التعامل
✨ إنتاجها طيب وتستاهل
🎯 للي يدور الزين والحليب والناقة الهادية، هذي تستاهل المشاهدات.
اللي يبي يشوفها ويعاينها، الحكم على الطبيعة.
📍 الموقع: جدة الخمرة أرض بن لادن
💰 السوم من الجادين ورجاء خاص لا يسوم او يتواصل الا الصامل وعدم بخس حلال المسلمين وتخرب البيع
📞 التواصل للجادين فقط
( رقم الجوال يظهر عند الضغط على زر تواصل ) فقط
واذكرو الله وصلوا على النبي والله يحي الجميع
